Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 35

Hanah Besampi Minta Seiku Anak Lelaki

Hanah Besampi Minta Seiku Anak Lelaki

Elkanah, seiku lelaki Israel bisi dua iku bini, Hanah enggau Peninah. Tang iya rindu agi ke Hanah. Peninah selalu ngeleseka Hanah laban nadai anak tang Peninah bisi mayuh anak. Ninting taun, Elkanah mai sida sebilik nyembah Petara ba langkau sembiang ba Siloh. Bisi sekali maya ba dia, iya meda Hanah ke dikerinduka iya balat tusah ati. Ku iya: ‘Anang nyabak Hanah. Nuan bisi aku. Aku sayauka nuan.’

Udah nya, Hanah mupuk kediri deka besampi. Iya enda badu nyabak minta Jehovah nulung iya. Iya besemaya: ‘Jehovah, enti Nuan meri aku seiku anak lelaki, aku deka nyerahka iya ngagai Nuan, lalu iya deka gawa ke Nuan sepemanjai idup iya.’

Imam Besai Eli meda Hanah duie-duie nyabak, lalu iya ngumbai Hanah mabuk. Saut Hanah: ‘Aku ukai mabuk, tuan. Ati aku balat tusah, nya alai aku mantaika penusah aku ngagai Jehovah.’ Eli nemu diri udah salah lalu madahka Hanah: ‘Awakka Petara meri ngagai nuan utai ti dipinta nuan.’ Hanah berasai nyamai ati lalu mupuk. Kurang ari setaun, iya ngadaka seiku anak lelaki ke benama Samuel. Ulih nuan ngambarka pengaga ati Hanah?

Hanah seruran ingat semaya iya enggau Jehovah. Pengudah iya badu  nusuka Samuel, iya mai Samuel ngagai langkau sembiang. Ku Hanah madah ngagai Eli: ‘Iya tu meh anak ke dipinta aku ari Jehovah. Sepemanjai idup iya, aku nyerahka iya ngagai Jehovah.’ Ninting taun, Elkanah enggau Hanah nemuai ngagai Samuel lalu mai baju panjai ti baru. Jehovah merekat Hanah enggau meri iya tiga iku da agi anak lelaki enggau dua iku anak indu..

“Pinta, lalu kita deka nerima. Giga, lalu kita deka nemu.”—Matthew 7:7