Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 34

Gideon Ngalahka Orang Midian

Gideon Ngalahka Orang Midian

Nyau kelama, orang Israel ninggalka Jehovah sekali agi lalu berengkah nyembah petara pelesu. Pengelama tujuh taun, orang Midian ngambi jelu tupi sereta ngerusak utai ti ditanam orang Israel. Orang Israel belalai ari orang Midian dalam lubang gua enggau ba sebelah bukit. Sida minta Jehovah ngelepaska sida. Nya alai Jehovah ngirumka melikat Iya ngagai seiku lelaki biak ke benama Gideon. Ku melikat nya: ‘Jehovah udah milih nuan nyadi soldadu ke kering sereta berani.’ Gideon lalu nanya: ‘Baka ni ku aku ulih ngelepaska orang Israel? Aku orang sengapa.’

Baka ni Gideon deka nemu Jehovah udah milih iya? Iya ngengkahka bulu bedus ba tanah lalu madahka Jehovah: ‘Enti pagila semina bulu bedus nya aja bisi basah laban ambun, tang tanah ti ngelingi nya rangkai, nya baru aku nemu Nuan deka aku ngelepaska orang Israel.’ Pagi hari siti, bulu bedus nya basah tang tanah nya rangkai! Tang Gideon minta bulu bedus nya nyadi rangkai sereta tanah nya nyadi basah ba pagi hari siti. Lebuh nya nyadi, Gideon pechaya Jehovah udah milih iya. Iya ngumpulka soldadu iya mansang deka nyerang orang Midian.

 Jehovah madahka Gideon: ‘Aku deka ngasuh orang Israel menang. Tang nuan bisi mayuh bala soldadu, lalu kita engka ngumbai diri menang ketegal pengering kita empu. Padah ngagai sapa-sapa ke takut, iya ulih pulai.’ 22,000 iku soldadu pulai ke rumah, lalu 10,000 agi tinggal. Jehovah madah: ‘Agi mayuh bala soldadu. Bai sida ngagai ai sungai lalu asuh sida ngirup ai. Pilih semina orang ke ngirup enggau bejaga-jaga ke munsuh.’ Semina 300 iku soldadu ke bejaga lebuh sida ngirup ari ai sungai. Jehovah besemaya semina sida tu ke deka ngalahka 135,000 iku soldadu orang Midian.

Maya malam nya, Jehovah ngasuh Gideon: ‘Angkat diatu nyerang orang Midian!’ Gideon meri ngagai genap iku soldadu iya terumpit enggau kebuk, ti ngundan siti sempun. Ku iya madah: ‘Peda aku, lalu titihka utai ke dikereja aku.’ Gideon nyepu terumpit iya, mechahka kebuk iya, ngepai sempun iya lalu manjung: ‘Ke Jehovah enggau ke Gideon!’ Semua 300 iku soldadu iya ngereja utai ti sebaka. Orang Midian nyadi takut lalu nyau ngachir rari. Dalam penyarut nya, sida berengkah belaban enggau pangan diri. Sekali agi, Jehovah nulung orang Israel ngalahka munsuh.

‘Kuasa ti besai nya datai ari Petara, ukai datai ari kami.’—2 Korint 4:7

Belajar Lebih Agi

MAIN NGENA GAMBAR

Seiku Melikat Ngeringka Gideon

Lambar ke dikala tu kena bala anak mit ke beumur 3 ngagai 6.