Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

Jaku Pemuka ke Begian 6

Jaku Pemuka ke Begian 6

Lebuh orang Israel datai ba Menua ti Udah Disemaya, langkau sembiang nyadi endur alai sembah ti bendar. Bala imam ngajar Adat, lalu bala hakim ngiring bansa nya. Begian tu nunjukka baka ni pemutus enggau ulah seiku-seiku orang bisi kaul enggau orang bukai. Tiap iku orang Israel bisi tanggung pengawa ngagai Jehovah sereta orang bukai. Kemeratka baka ni teladan Deborah, Naomi, Josua, Hanah, anak indu Jeptah enggau Samuel bisi kaul enggau orang ke semak sida. Padahka pasal sekeda orang ke ukai bansa Israel baka Rahap, Rut, Jael enggau orang Gibeon, mutuska deka bepiak enggau orang Israel laban sida nemu Petara bisi enggau orang Israel.

BA BEGIAN TU

Jehovah Milih Josua

Petara meri Josua penerang ke mega ulih nulung kitai kemaya hari tu.

Rahap Ngelalaika Dua Iku Pematau

Dinding Jeriko runtuh. Tang rumah Rahap mengkang bediri, taja pan digaga begulai enggau dinding Jeriko.

Josua enggau Orang Gibeon

Josua besampi ngagai Petara: “Mata panas, anang bekinsit!” Kati Petara nyaut sampi nya?

Tuai ti Baru enggau Dua Iku Indu ti Berani

Pengudah Josua mati, orang Israel berengkah nyembah patung. Pengidup nyadi tusah, tang tulung datai ari Hakim Barak, Deborah nabi ke indu, sereta Jael enggau pasak langkau!

Rut enggau Naomi

Dua iku indu ke udah mati laki pulai baru ngagai Israel. Seiku ari indu nya, Rut, bekereja ba umai lalu dipeda Boas.

Gideon Ngalahka Orang Midian

Pengudah orang Midian nekan sereta merinsaka pengidup orang Israel, orang Israel minta tulung ari Jehovah. Baka ni soldadu Gideon ke mimit aja ulih ngalahka 135,000 iku soldadu munsuh?

Hanah Besampi Minta Seiku Anak Lelaki

Elkanah mai Hanah, Peninah enggau bala anak nyembah Petara ba langkau sembiang ba Siloh. Dia, Hanah besampi minta seiku anak lelaki. Kurang ari setaun, iya ngadaka Samuel!

Semaya Jeptah

Nama semaya ke digaga Jeptah, lalu nama kebuah? Nama runding anak dara Jeptah pasal semaya ke digaga apai iya?

Jehovah Bejaku ngagai Samuel

Imam Besai Eli bisi dua iku anak lelaki ke nyadi imam ba langkau sembiang, tang seduai iya enda ngasika adat Petara. Samuel ke biak enda sebaka lalu Jehovah bejaku ngagai iya.

Jehovah Meri Pengering ngagai Samson

Petara meri pengering ngagai Samson kena ngelaban orang Pilistin, tang lebuh Samson ngaga pemutus ti salah, orang Pilistin nangkap iya.