Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 7

Menara Babel

Menara Babel

Pengudah Bah Besai, anak Noah enggau bini sida bisi mayuh anak. Ruang bilik sida majak nambah, lalu ngachir ngagai endur bukai ba serata dunya, baka ke diasuh Jehovah.

Tang sekeda ruang bilik enda ngasika Jehovah. Ku sida: ‘Aram ngaga sebuah nengeri lalu diau ditu. Kitai ngaga sebuah menara ti bediri nyentuk ke langit, ngambika kitai tampak nama.’

 Jehovah enda rindu enggau utai ke digaga sida, nya alai Iya mutuska deka ngetuka pengawa sida. Nemu nuan baka ni Iya ngereja nya? Tekala nya Iya ngubah jaku sida ngena bemacham bansa jaku. Ketegal sida enda meretika jaku pangan diri, sida badu ngaga menara nya. Nengeri ke digaga sida dikumbai Babel, reti iya “Penyarut.” Mensia berengkah pindah ngagai endur bukai lalu idup ba serata dunya. Tang sida terus ngereja pengawa ti jai ba endur baru nya. Kati agi bisi orang ke agi rinduka Jehovah? Kitai deka nemu ba pelajar pengudah tu..

“Semua orang ke ngeninggika diri deka dikemaruhka, lalu orang ke ngemaruhka diri deka ditinggika.”—Luke 18:14