Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 13

Jakop enggau Esau Bebaik enggau Pangan Diri

Jakop enggau Esau Bebaik enggau Pangan Diri

Jehovah besemaya deka ngelindung Jakop baka Iya ke udah ngelindung Abraham enggau Isak. Jakop diau ba endur ke dikumbai Haran. Dia iya bebini, lalu ngembuan ruang bilik ti besai sereta nyadi kaya.

Bisi sekali, Jehovah madah ngagai Jakop: ‘Pulai nuan ngagai menua aki ini nuan.’ Nya alai, Jakop sebilik berengkah bejalai jauh. Lebuh ba rantau jalai, sekeda orang gaji iya mansang ngagai Jakop lalu madah: ‘Menyadi nuan, Esau, diatu benung ba rantau jalai deka betemu enggau nuan. Iya mai 400 iku orang enggau iya.’ Jakop takut Esau deka ngemediska sida sebilik. Iya besampi ngagai Jehovah: ‘Tulung selamatka aku ari menyadi aku.’ Ba hari siti, Jakop nganjung mayuh pemeri baka bedus, kambin, sapi, unta enggau keledai ngagai Esau.

Lebuh iya kediri malam nya, Jakop meda seiku melikat! Melikat nya berengkah bibat enggau iya. Seduai iya bibat nyentukka pagi. Taja pan Jakop bisi bakal, iya enggai alah. Ku melikat nya: ‘Anang megai aku agi.’ Tang Jakop nyaut: ‘Enggai, nyentukka nuan merekat aku.’

Pengujung iya, melikat nya merekat Jakop. Diatu Jakop nemu Jehovah enda nejuka Esau ngemediska iya.

 Pagi nya Jakop meda Esau enggau 400 iku lelaki ari jauh. Jakop mansang ke mua lalu meremi ngagai menyadi iya tujuh kali. Esau belanda ngagai Jakop lalu merap iya. Dua iku menyadi nya sama nyabak lalu bebaik enggau pangan diri. Baka ni asai ati Jehovah meda chara Jakop mutarka penanggul nya?

Udah nya, Esau pulai ke menua iya, lalu Jakop neruska pejalai iya. Jakop bisi 12 iku anak lelaki. Nama sida Reuben, Simeon, Lewi, Judah, Dan, Naptali, Gat, Aser, Isakar, Sebulun, Josep, enggau Benjamin. Seiku ari anak lelaki nya—Josep—dikena Jehovah nyelamatka nembiak Iya. Nemu nuan baka ni? Aram kitai ngiga saut iya.

“Rinduka munsuh kita, lalu besampika orang ke merinsaka kita, ngambika kita nyadi anak Apai kita ti di serega.”—Matthew 5:44, 45

Belajar Lebih Agi

CHERITA BA BUP KUDUS

Cherita Jakop enggau Esau

Bacha pasal Jakop enggau Esau, dua iku menyadi ke benung belajar chara begulai enggau pangan diri

PENGAWA BELAJAR KENA ANAK MIT

Kelala Bala Anak Lelaki Jakop

Bacha penerang ditu, lalu tuliska ni bagi anak lelaki Jakop nitihka utai ke diterangka nya.

PENGAWA BELAJAR KENA ANAK MIT

Kuis geografi: Endur ke Ditujah Jakop

Nama endur ke ditujah Jakop? Bacha Bup Kudus ngambika bulih saut, lalu tulis saut nya dalam peta.