Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 8

Abraham enggau Sarah Ngasika Petara

Abraham enggau Sarah Ngasika Petara

Enda jauh ari Babel bisi siti nengeri ti dikumbai Ur. Orang ba dia nyembah mayuh petara tang enda nyembah Jehovah. Taja pia, bisi seiku lelaki ba Ur ke nyembah Jehovah aja. Nama iya Abraham.

Ku Jehovah bejaku ngagai Abraham: ‘Tinggalka menua nuan, enggau kaban belayan nuan, lalu bejalai ngagai menua ti deka ditunjukka Aku ngagai nuan.’ Udah nya, Petara besemaya: ‘Nuan deka nyadi bansa ti besai, lalu Aku deka ngaga pengawa ti manah ngagai mayuh orang ba serata dunya ketegal nuan.’

Abraham enda nemu kini penunga Jehovah deka nganjung iya, tang iya arapka Jehovah. Nya alai Abraham, bini iya Sarah, apai iya Terah, enggau anak menyadi iya Lot nyimpan barang lalu berengkah bejalai jauh.

 Abraham beumur 75 taun lebuh sida sebilik datai ba menua ke deka ditunjuk Jehovah ngagai sida. Menua nya dikumbai Kanaan. Dia, Petara bejaku enggau Abraham lalu besemaya: ‘Semua menua ke dipeda nuan, tu meh menua ti deka diberi Aku ngagai bala peturun nuan.’ Tang Abraham enggau Sarah udah tuai lalu nadai anak. Baka ni Jehovah deka ngamatka semaya Iya?

“Ulih pengarap, Abraham ngasi . . . bejalai ngagai siti endur ti deka diterima iya nyadika pesaka. Iya mupuk, taja pan iya enda nemu tunga pejalai diri.”—Hebrew 11:8