Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 6

Lapan Iku Orang Selamat

Lapan Iku Orang Selamat

Noah enggau diri sebilik sereta bala jelu tama ngagai bandung. Jehovah nambit pintu bandung, lalu hari berengkah ujan. Ujan enda ngetu-ngetu nyentukka bandung nya melepung. Nyau kelama, dunya penuh enggau ai. Ba luar bandung, semua orang jai mati. Tang Noah enggau diri sebilik selamat dalam bandung. Ulih nuan ngambarka pengaga ati sida laban ngasika Jehovah?

Ujan turun pengelama 40 hari 40 malam, udah nya ngetu. Ai bah mupuk surut. Bandung nya lalu tepanggai ba bukit. Tang agi bisi mayuh ai ba semua endur. Nya alai, Noah enggau diri sebilik enda ulih terus pansut ari bandung.

Belubah-lubah, ai lalu surut. Pengelama Noah enggau diri sebilik iya diau dalam bandung nya lebih ari setaun. Udah nya Jehovah madahka sida ulih pansut ari bandung nya. Sida amat beterima kasih ngagai Jehovah laban udah nyelamatka sida, lalu tu meransang sida meri pemeri ngagai Jehovah.

Jehovah gaga ati enggau pemeri sida. Iya besemaya enda agi ngerusak semua utai ba dunya ngena ai bah. Kena ngamatka semaya tu, Iya mandangka anakraja ti keterubah ba langit. Kala nuan meda anakraja?

Jehovah mega ngasuh Noah enggau diri sebilik iya bisi anak sereta ngemenuhka dunya.

“Noah tama ke dalam bandung, lalu [mensia] nadai nemu utai, nyentuk ngagai maya ai bah datai lalu nabanka semua sida.”—Matthew 24:38, 39