Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 103

“Datai Meh Perintah Nuan”

“Datai Meh Perintah Nuan”

Jehovah besemaya: ‘Deka nadai agi nyabak, pemedis, penyakit tauka pemati. Aku deka ngendas semua ai mata ari mata sida. Semua utai jai ti nyadi enda dikingatka agi.’

Jehovah ngengkahka Adam enggau Hawa ba kebun Eden ngambika ulih idup lantang sereta bisi pemaik. Seduai iya patut nyembah Apai ti di serega sereta ngemenuhka dunya enggau peturun seduai. Adam enggau Hawa enda ngasika Jehovah, tang tuju Iya nadai kala berubah. Ba bup tu kitai udah meda semaya Petara seruran dikeamatka. Perintah Iya deka mai berekat ti pemadu manah ngagai dunya, baka ke udah disemaya Iya ngagai Abraham.

Enda lama agi, Sitan, bala antu iya sereta semua orang jai deka nadai agi. Semua orang ke idup deka nyembah Jehovah. Kitai enda agi sakit tauka mati. Tang, kitai deka dani ninting hari penuh enggau pengering sereta idup enggau gaga ati. Dunya deka nyadi paradais. Semua orang deka bisi pemakai ti manah sereta endur diau ti likun.  Orang deka nyadi manah, enda agi jai tauka ngemediska orang bukai. Jelu babas enda agi takutka kitai, kitai pan enda takutka sida.

Utai ti ngerinduka ati deka nyadi lebuh Jehovah berengkah ngangkatka orang mati idup baru. Kitai deka ngelalu orang ari kelia menya, baka Abel, Noah, Abraham, Sarah, Moses, Rut, Ester enggau David. Sida deka enggau kitai ngaduka dunya tu nyadi paradais. Kitai deka seruran bisi mayuh pengawa ti ngerinduka ati.

Jehovah deka nuan bisi ba paradais. Nuan deka ngelala Iya enggau chara ti enda ulih disadang nuan. Aram meh kitai majak semak-sesemak ngagai Jehovah ninting hari, diatu enggau belama iya!

‘O Jehovah Petara kami, Nuan endang patut nerima mulia, basa enggau kuasa, laban Nuan udah ngaga semua utai.’—Pemandang 4:11