Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 102

Genera John

Genera John

Lebuh rasul John nyadi orang jil ba pulau Patmos, Jesus mandangka iya 16 iti genera, tauka gambar pasal jemah ila. Genera tu nunjukka baka ni nama Jehovah deka dikuduska, Perintah Iya deka datai, sereta baka ni peneka Iya deka nyadi ba dunya baka ba serega.

Ba siti genera, John meda Jehovah ba kerusi diraja Iya ti bemulia ba serega, dikelingi 24 bala tuai ngena gari burak enggau makota emas ba pala sida. Kilat engkijap enggau munyi guntur datai ari kerusi diraja nya. 24 bala tuai nya nyungkurka diri ba mua Jehovah lalu nyembah Iya. Ba genera ke bukai, John meda mayuh amat orang datai ari genap bengkah menua, bansa enggau jaku nyembah Jehovah. Anak Domba, iya nya Jesus, nyaga lalu mai sida ngagai ai ti meri pengidup. Udah nya, ba siti da agi genera, Jesus berengkah merintah nyadi Raja ba serega enggau 24 iku bala tuai. Ba genera ke nangkanka nya, John meda Jesus beperang ngelaban naga, iya nya Sitan enggau bala antu iya. Jesus muai sida ari serega ngagai dunya.

 John lalu meda genera ti manah pasal Anak Domba enggau 144,000 ke dipilih bediri ba Bukit Sion. Iya mega meda seiku melikat ti terebai ngelingi dunya, ngasuh orang mayuh nangika Petara lalu meri Iya mulia.

Ba genera pengudah nya, perang Armagedon nyadi. Maya perang nya, Jesus enggau raban soldadu iya ngalahka dunya Sitan ti jai. Ba genera ti penudi, John meda pemaik ba serega sereta ba dunya. Sitan enggau orang ti nitihka iya abis dirusak magang. Semua ba serega sereta ba dunya nguduska nama Jehovah lalu nyembah Iya seiku aja.

“Aku deka ngasuh nuan enggau indu tu begedika pangan diri. Anak iya enggau anak nuan deka seruran bemunsuh enggau pangan diri. Anak iya deka ngeredakka pala nuan, lalu nuan deka mantuk tumbit anak iya.”—Pemungkal 3:15