Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 75

Sitan Nguji Jesus

Sitan Nguji Jesus

Pengudah Jesus dibaptisa, roh kudus mai iya ngagai menua puang. Iya nadai makai pengelama 40 hari, lalu amat lapar. Sitan datai nguji Jesus lalu madah: ‘Enti nuan amat Anak Petara, asuh batu tu nyadi roti.’ Tang Jesus nyaut ngena Jaku Petara: ‘Endang udah ditulis, mensia enda ulih idup makai roti aja. Tang patut nangika semua utai dipadah Jehovah.’

Udah nya, Sitan nyakap Jesus: ‘Enti nuan amat Anak Petara, terejun nuan ari endur ti pemadu tinggi ba rumah sembiang. Endang udah ditulis Petara deka ngasuh bala melikat Iya nyaga nuan.’ Sekali agi, Jesus nyaut ngena Jaku Petara: ‘Endang udah ditulis nuan enda patut nguji Jehovah.’

Sitan lalu mandang ngagai Jesus semua perintah ba dunya enggau pengaya sereta mulia sida lalu madah: ‘Aku deka meri nuan semua perintah tu enggau mulia sida enti nuan besugang lalu nyembah aku.’ Tang saut Jesus: ‘Rari nuan Sitan! Laban endang udah ditulis nuan patut nyembah Jehovah aja.’

Udah nya Sitan ninggalka iya lalu bala melikat datai meri pemakai ngagai Jesus. Berengkah ari hari nya, Jesus nginjil berita manah pasal Perintah Petara. Tu meh pengawa ke patut digaga iya ba dunya. Orang mayuh rindu enggau utai ke diajar Jesus lalu sida nitihka iya enda ngira kini penunga iya.

“Lebuh [Sitan] nyebut utai ti bula, iya endang bejaku nitihka perangai iya empu laban iya endang pemula, lalu iya endang apai pemula.”—John 8:44