Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 78

Jesus Nginjil Pasal Perintah Petara

Jesus Nginjil Pasal Perintah Petara

Bedau lama pengudah Jesus dibaptisa, iya berengkah nginjil: ‘Perintah Petara nyau semak.’ Bala murid nitih iya bejalai ngagai serata menua Galili enggau Judea. Lebuh Jesus pulai ngagai menua asal iya ba Nasaret, iya mansang ngagai balai gempuru, muka gulung surat Isaiah lalu macha nya enggau nyawa ti inggar: ‘Jehovah udah meri aku roh kudus ngambika aku ulih nginjil pasal berita manah.’ Nama reti nya? Reti iya, taja pan orang mayuh deka meda Jesus ngereja pengawa ajih, tang kebuah ti bendar iya nerima roh kudus iya nya kena nginjil pasal berita manah. Iya lalu madah ngagai sida: ‘Sehari tu, jaku tu udah dikeamatka.’

Udah nya, Jesus mansang ngagai Danau Galili alai iya betemu enggau empat iku orang berikan, ke nyadi murid iya udah nya. Ku Jesus mai sida: ‘Titihka aku. Aku deka ngajar kita jalai ngulihka mensia.’ Sida nya Peter, Andrew, James enggau John. Sida ninggalka pengawa dagang berikan lalu nitihka Jesus tekala nya. Sida nginjil pasal Perintah Jehovah ba serata menua Galili. Sida nginjil ba balai gempuru, pasar enggau ba jalai. Mayuh orang nitih sida enda ngira dini pejalai sida. Berita pasal Jesus ngelekai ba sebarang endur nyentukka ngagai menua Siria.

Nyau kelama, Jesus meri kuasa ngagai sekeda murid iya kena ngeraika orang ti sakit sereta muru bala antu. Sekeda enggau iya nginjil ngagai siti-siti menua enggau nengeri. Beberapa iku indu ke tetap ati nyengkaum Maria Magdalin, Joana, Susana, enggau ke bukai nyaga Jesus enggau bala murid iya.

Pengudah Jesus ngelatih bala murid iya, Jesus nganjung sida ngereja pengawa nginjil. Seraya sida bejalai ba serata menua Galili, mayuh orang nyadi murid sereta dibaptisa. Penyampau nya amat mayuh nyentukka Jesus mandingka sida baka umai ti tau diketau. Ku iya: ‘Besampi meh minta Jehovah nganjung mayuh agi orang ngetau umai.’ Udah nya, iya milih 70 iku ari murid iya lalu nganjung sida nginjil dua-dua iku begulai ngagai serata menua Judea. Sida ngajar mayuh macham orang pasal Perintah Petara. Lebuh sida  pulai, sida gagit ati madah ngagai Jesus utai ti udah nyadi. Nadai utai ke digaga Sitan ulih nagang pengawa nginjil nya.

Jesus nentuka bala murid iya deka terus ngereja pengawa ti amat beguna tu indah pengudah iya pulai ngagai serega. Jesus madah ngagai sida: ‘Tusui meh berita manah tu ba serata dunya. Ajar orang mayuh pasal Jaku Petara lalu baptisa sida.’

‘Aku enda tau enda mega nusui Berita Manah pasal Perintah Petara ngagai nengeri bukai, laban nya kebuah aku dikirumka.’—Luke 4:43