Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 80

Jesus Milih Dua Belas Iku Rasul

Jesus Milih Dua Belas Iku Rasul

Pengudah setaun setengah Jesus nginjil, iya patut ngaga pemutus ti berat. Sapa ke patut dipilih gawa begulai enggau iya? Sapa ke deka dilatih iya kena ngiring eklisia Kristian? Kena ngaga pemutus tu, Jesus minta iring ari Jehovah. Nya alai, iya niki bukit ngambika ulih kediri lalu besampi semalam-malam. Ba pagi siti, iya ngangauka sekeda ari murid iya, lalu milih dua belas iku rasul iya. Agi nuan ingat nama sida? Nama sida Peter, Andrew, James, John, Philip, Bartolomew, Thomas, Matthew, James anak Alpius, Tadeus, Simon enggau Judas Iskariot.

Andrew, Peter, Philip, James

Dua belas iku rasul nya seruran bejalai enggau iya. Pengudah iya ngelatih sida, sida dianjung nginjil kediri empu. Jehovah meri sida kuasa kena muru antu sereta ngeraika orang ti sakit.

John, Matthew, Bartolomew, Thomas

Jesus ngangau dua belas iku rasul nya pangan iya, lalu iya arapka sida. Orang Parisi ngumbai bala rasul nya orang ke biasa sereta ukai bepelajar. Tang Jesus ngelatih sida ngereja pengawa. Sida deka enggau Jesus lebuh ba maya ke pemadu beguna ba pengidup  iya, iya nya sebedau pemati iya lalu pengudah iya diangkat ari pemati. Baka Jesus, mayuh ari dua belas iku rasul nya ari menua Galili. Sekeda ari sida udah bebini.

James anak Alpius, Judas Iskariot, Tadeus, Simon

Bala rasul nya orang ke enda sempurna ti ngaga penyalah. Kekadang, sida bejaku sebedau berunding lalu ngaga pemutus ti enda manah. Bisi maya, sida enda sabar. Sida mega bekelikuh pasal sapa ti pemadu besai. Tang sida orang manah ti rinduka Jehovah. Sida deka nyadi raban ti keterubah ngereja pengawa ti amat beguna ba eklisia Kristian pengudah Jesus nadai agi ba dunya.

‘Aku udah ngumbai kita pangan, laban aku udah madah ngagai kita semua utai ti didinga aku ari Apai.’—John 15:15

Belajar Lebih Agi

ANAK BELAJAR BUP KUDUS

12 Iku Rasul

Tulung anak nuan belajarka nama 12 iku rasul Jesus.