Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Utai ke Ulih Dipelajar Nuan Ari Bup Kudus

 PELAJAR 1

Petara Ngaga Serega enggau Dunya

Petara Ngaga Serega enggau Dunya

Petara Jehovah nya Penempa kitai. Iya ngaga semua utai, utai ti ulih dipeda enggau utai ti enda ulih dipeda kitai. Sebedau Iya ngaga utai ti ulih dipeda kitai, Iya ngaga mayuh amat melikat. Nemu nuan melikat nya sapa? Sida bekereja ke Jehovah. Sida digaga baka Iya empu. Kitai enda ulih meda sida, baka kitai ke enda ulih meda Petara. Melikat keterubah ti digaga Jehovah nyadi penulung Iya. Melikat nya nulung Jehovah ngaga bintang, planet enggau semua utai bukai. Siti ari planet nya, iya nya bumi, endur ti amat manah alai kitai diau.

Jehovah lalu nyediaka bumi endur jelu enggau mensia diau. Iya ngaga penampak mata panas manchar ngagai bumi. Iya ngaga bukit, tasik enggau sungai.

Nama nyadi udah nya? Ku Jehovah: ‘Aku deka ngaga rumput, utai ti tumbuh enggau pun kayu.’ Mayuh bengkah bansa buah, sayur enggau bungai berengkah tumbuh. Jehovah lalu ngaga semua jelu—jelu ti terebai, nyemerai enggau ngerayap. Iya ngaga jelu ke mit baka chit, sereta ke besai baka gajah. Nama jelu ti dikerinduka nuan?

Jehovah lalu bejaku enggau melikat ti keterubah nya: ‘Aram kitai ngaga mensia.’ Mensia enda sebaka enggau jelu. Sida ulih ngaga utai. Sida ulih bejaku, ketawa enggau besampi. Sida  ulih nyaga bumi enggau jelu. Nemu nuan sapa mensia keterubah? Aram kitai meda.

‘Ba pun iya kelia, Petara berengkah ngaga langit enggau dunya.’—Pemungkal 1:1