Bup Kudus berengkah enggau madahka pasal utai ti digaga, ngambika kitai ulih meda utai manah ke digaga Jehovah ba serega enggau ba dunya. Enti nuan apai indai, tulung anak nuan meda pemayuh macham utai ti digaga. Padahka pasal Petara ke udah ngaga mensia jauh manah agi ari jelu laban udah meri kitai penau bejaku, berunding, ngaga utai, belagu enggau besampi. Peransang asai beterima kasih ke kuasa enggau penemu-dalam Jehovah, kelebih agi pengerindu Iya ke semua utai ti digaga Iya—nyengkaum genap iku kitai.