Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

Penerang ngagai Orang ke Datai

Penerang ngagai Orang ke Datai

ATENDAN Atendan diatur ngambika nulung nuan. Bekerejasama meh enggau sida lebuh nuan ngiga endur parking, ngiga penuduk, lebuh sida ngatur pejalai bala mayuh, sereta utai bukai.

BAPTISA Penuduk chalun baptisa udah disediaka ba mua pentas di diwan besai. Chalun baptisa patut udah duduk ba dia sebedau cheramah baptisa berengkah kena pagi Hari Enam. Sida patut mai kain mandi enggau gari ke ngena.

PEMERI Mayuh belanja udah dikena nyediaka penuduk ti chukup, perengka audio enggau video, sereta utai bukai ngambika konvensyen tu ngerinduka ati sereta nulung kitai semak agi ngagai Petara Jehovah. Pemeri ari nuan ulih nyukung pengawa tu sereta nyukung pengawa nginjil di serata dunya. Kutak pemeri ke udah ditandaka bisi diengkah ba diwan konvensyen tu. Kami beterima kasih ke semua pemeri ari kita. Raban ti Ngiring mega beterima kasih ke pengerah jari kita ke nyukung Perintah Petara.

KUTAK UBAT Kingatka, bantu tu semina dikena maya PEDIS NGENYIT AJA (EMERGENCY).

LENYAU ENGGAU TEMU Barang ke enda temu sapa ngempu patut diberi ngagai Begian Lenyau enggau Temu. Enti nuan bisi lenyau nama-nama utai, datai meh ngagai begian tu lalu giga barang nuan ke lenyau nya. Anak mit ke tesat ari apai indai patut dianjung ngagai begian tu. Kena ngurangka penanggul, jaga meh anak nuan empu, lalu tentuka sida seruran semak nuan.

PENUDUK Berunding meh pasal orang bukai lebuh ngiga penuduk. Kingatka, nuan patut semina ngalau penuduk ke diri sebilik, orang ke nepan kerita ti sama enggau nuan, orang ke sama diau enggau nuan, tauka orang ke belajar Bup Kudus enggau nuan. Anang ngengkahka barang ba penuduk ke enda digalau nuan.

MERI TULUNG SUKARELA Enti nuan deka nulung ba sekeda pengawa maya konvensyen, nuan ulih madahka diri ngagai Begian Sukarela.

 AUM SPESIAL

SEKULA PENGINJIL PERINTAH PETARA Pengerintis ke beumur entara 23 ngagai 65 taun, ke bisi ati deka ngemansangka pengawa nginjil sida, ulih datai ngagai aum peminta Sekula Penginjil Perintah Petara, kena lemai Hari Minggu. Endur enggau jam aum tu deka dipadahka.

Diatur Raban ti Ngiring Saksi-Saksi Jehovah