Terus ngagai penerang

Terus ngagai laman kedua

Saksi-Saksi Jehovah

Iban

Nama Reti Perintah Petara?

Nama Reti Perintah Petara?

Kati nuan ngumbai iya . . .

  • utai ba ati nuan?

  • semina jaku aja?

  • perintah ba serega?

 NAMA DIPADAH BUP KUDUS

‘Petara ti di serega deka numbuhka siti perintah ti enda nemu abis.’ —Daniel 2:44, Bup Kudus Baru.

“Siku anak lelaki udah diberi ngagai kitai! Lalu iya deka nyadi raja kitai.”—Isaiah 9:6.

NAMA RETI NYA BA NUAN

  • Bisi siti perintah deka meri penguntung ngagai nuan. —Isaiah 48:17, 18.

  • Ba dunya baru ti deka datai, nuan deka bisi pengelantang enggau pengerai ti manah.—Pemandang 21:3, 4.

 ULIH KITAI ARAPKA UTAI TI DIPADAH BUP KUDUS?

Ulih, bisi dua iti kebuah:

  • Jesus madahka nama deka digaga Perintah Petara. Jesus ngajar bala murid iya besampi ngambika Perintah Petara datai, lalu peneka Petara deka nyadi ba dunya tu. (Matthew 6:9, 10) Jesus nunjukka baka ni sampi nya deka disaut.

    Lebuh ba dunya tu, Jesus meri orang lapar makai, ngeraika orang sakit, lalu ngidupka orang ke udah mati! (Matthew 15:29-38; John 11:38-44) Jesus, iya ke deka nyadi Pemerintah ba Perintah Petara jemah ila, madahka nama deka digaga Perintah nya ngagai rayat iya.Pemandang 11:15.

  • Utai ti nyadi ba dunya tu nunjukka Perintah Petara deka datai enda lama da agi. Jesus madahka sebedau Perintah nya ngenataika pemaik ke dunya tu, dunya kitai tu deka bisi perang, lapar pungkang enggau tanah berenyang.Matthew 24:3, 7.

    Kitai meda utai tu amat nyadi kemaya hari tu. Nya alai, kitai ulih pechaya Perintah Petara enda lama da agi deka muai semua penusah tu.

 UJI PIKIRKA

Baka ni gaya pengidup enti dipegai Perintah Petara?

Bup Kudus nyaut tanya tu ba MASMUR 37:29 enggau ISAIAH 65:21-23.

Belajar Lebih Agi

BERITA MANAH ARI PETARA!

Nama Tuju Petara ka Dunya?

Bup Kudus bisi nerangka kebuah Petara nempa dunya tu, kemaya pemerinsa deka nadai agi, utai ke deka nyadi ba dunya enggau orang ke deka idup dia ila.