Terus ngagai penerang

Terus ngagai laman kedua

Saksi-Saksi Jehovah

Iban

Nama Utai ti Ulih Ngelantangka Pengidup Diri Sebilik?

Nama Utai ti Ulih Ngelantangka Pengidup Diri Sebilik?

Ba runding nuan, utai nya . . .

  • pengerindu?

  • duit?

  • utai bukai?

 NAMA DIPADAH BUP KUDUS

‘Beberekat agi orang ke ninga lalu ngasika jaku Petara!’—Luke 11:28, Bup Kudus Baru.

NAMA RETI NYA BA NUAN

Bulih pengerindu ti bendar.—Epesus 5:28, 29.

Bulih basa.—Epesus 5:33.

Bisi pengelikun.—Mark 10:6-9.

 ULIH KITAI ARAPKA UTAI TI DIPADAH DALAM BUP KUDUS?

Ulih, uji pikirka dua iti kebuah tu:

  • Petara ngepunka atur ruang bilik. Bup Kudus madahka Jehovah ngatur Adam enggau Hawa jadi laki-bini. (Genesis 2:18-24) Reti nya, atur ruang bilik sigi ari Jehovah. Nama kebuah penemu tu beguna bendar?

    Uji pikir: Enti nuan bisi ngasai utai pakai ti nyamai lalu deka nemu utai kena ngulai iya, ba sapa nuan patut nanya? Tentu nuan nanya orang ke manduk iya.

    Baka nya mega, enti ka nemu utai ke meri pengelantang ngagai diri sebilik, kitai patut belajar ari Jehovah, petara ti ngepunka atur ruang bilik.

  • Petara ibuhka kitai. Semua ruang bilik patut nitihka jaku ajar Jehovah ti diberi iya ari Bup Kudus. Nama kebuah? “Laban Iya ngibun kitai.” (1 Peter 5:6, 7) Jehovah ka meda kitai bulih pengelantang ba pengidup diri sebilik, nya alai jaku ajar iya amat beguna!—Jaku-Dalam 3:5, 6; Isaiah 48:17, 18.

 UJI PIKIRKA

Baka ni nuan ulih nyadi laki, bini tauka apai indai ti manah?

Bup Kudus meri saut nya ba EPESUS 5:1, 2 enggau KOLOSI 3:18-21.

Belajar Lebih Agi

BUP & BROSUR

Kita Sebilik Ulih Gaga Ati

Diri sebilik ulih gaga ati enti nitihka ajar Bup Kudus.