Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

‘Meruan Dalam Pengerindu Petara’

 PENERANG

Ngeluchu—Ulah Kamah ti Ulih Dibuai

Ngeluchu—Ulah Kamah ti Ulih Dibuai

Ba mata Petara, ngeluchu ngasuh orang berundingka diri empu sereta ngasuh iya berundingka ulah ti kamah. * Orang ke ngeluchu engka ngumbai orang bukai semina utai kena ngemuaska pengingin seks aja. Ba runding iya, pengawa besetubuh ukai datai ari pengerindu, tang semina kena ngerinduka ati tauka kena ngelepaska pengingin seks aja. Tang, nya semina ngemuaska ati enda lama aja. Iya ke amat, ngeluchu enda muai pengingin tubuh, tang iya meransang “pengawa bambai, ulah ti kamah, runding ti kamah.”—Kolosi 3:5.

Rasul Paul nulis: ‘Menyadi, aram kitai nuchi diri empu ari semua utai ti ngamahka tubuh enggau roh [runding] kitai, lalu nyadi pemadu kudus nangika Petara.’ (2 Korint 7:1)  Enti nuan tusah deka nitihka jaku lalau tu, anang lemi semengat. Jehovah seruran deka “ngampun” sereta nulung. (Masmur 86:5; Luke11:9-13) Iya ke bendar, ati ke ngukum nuan sereta pengeran nuan ke deka muai ulah nya nunjukka nuan bisi tuju ti manah. Kingatka, ‘Petara besai agi ari ati kitai, lalu Iya nemu semua utai.’ (1 John 3:20) Petara meda sapa kitai ke amat; Iya ukai ngiga penyalah kitai. Ketegal tu, Iya ningaka sampi kitai ke bebendar minta ampun ari Iya. Nya alai, anang ngetu besampi enggau baruh ati ngagai Petara, baka anak ke ngiga apai iya maya bisi penusah. Jehovah deka merekatka nuan enggau ati ti beresi. (Masmur 51:1-12, 17; Isaiah 1:18) Endang amat, nuan patut nitihka utai ti disampi nuan. Chunto, nuan patut nyeliahka semua pornografi sereta orang ke enda manah enggau begulai. *

Enti nuan enda ulih muai pengawa ngeluchu, nuan ulih berandau pasal pekara tu enggau apai indai Kristian tauka bala menyadi Kristian ke kering ba pengarap. *Jaku Dalam 1:8, 9; 1 Tesalonika 5:14; Titus 2:3-5.

^ per. 1 Ngeluchu nya pengawa ngusuk tauka megai “utai” diri empu ke ulih meransang pengingin seks ti pemadu kuat.

^ per. 2 Siti chara ti manah ngena komputer, iya nya ngengkahka komputer ba endur ti ulih dipeda semua orang ba rumah. Kelimpah ari nya, sekeda diri sebilik meli software ke ulih napis utai ti enda manah. Taja pia, ukai semua software tu ulih dikearapka magang.

^ per. 1 Kena nemu chara muai pengawa ngeluchu, peda “Young People Ask . . . How Can I Conquer This Habit?” ba Awake!, November 2006, enggau bup Questions Young People Ask—Answers That Work, Volume 1, ba lambar 178-182.