Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Kita Sebilik Ulih Gaga Ati

 Pelajar 2

Tetap Ati Ngagai Pangan Diri

Tetap Ati Ngagai Pangan Diri

‘Nadai orang tau nyeraraka utai ti udah ditampilka Petara.’Mark 10:9

Jehovah deka kitai “ngayanka pengerindu.” (Mikah 6:8) Tu beguna bendar ba pengidup melaki-bini laban seduai iya enda ulih pechayaka pangan diri enti nadai pengerindu. Pechayaka pangan diri beguna ngambika pengerindu majak dalam.

Kemaya hari tu, mayuh laki bini nadai pengerindu ngagai pangan diri. Kena nyaga ruang bilik, nuan patut ngereja dua iti pekara tu.

 1 NGEMERANKA RUANG BILIK NUAN

NAMA DIPADAH BUP KUDUS: “Nemu milih utai ti pemadu badas.” (Pilipi 1:10) Ruang bilik nuan siti ari utai ti pemadu beguna ba pengidup nuan. Iya patut dikemeranka.

Jehovah deka nuan betatika kaling nuan, lalu “lantang ati” begulai. (Pengajar 9:9) Jehovah madahka nuan enda patut berundingka diri empu aja, tang seduai patut ngiga chara ngasuh pangan diri lantang ati. (1 Korint 10:24) Awakka kaling nuan ngasaika diri diguna enggau dipebasa.

NAMA PATUT DIGAGA NUAN:

  • Selalu begulai sereta betatika pangan diri

  • Anang berundingka diri empu aja

 2 JAGA MEH ATI NUAN

NAMA DIPADAH BUP KUDUS: “Barang sapa merening ngagai indu enggau ati ti kamah, udah butang enggau indu nya dalam ati iya.” (Matthew 5:28) Enti orang terus mikirka ulah ti kamah, iya dikumbai enda tetap ati ngagai kaling iya.

Jehovah madah nuan patut nyaga ati nuan. (Jaku Dalam 4:23; Jeremiah 17:9) Nya alai, nuan patut nyaga mata nuan. (Matthew 5:29, 30) Titihka meh teladan Jop ke udah besumpah ngambika iya enda merening ngagai indu enggau ati ti kamah. (Jop 31:1) Anang nguji deka meda pornografi. Lalu anang bisi ati ke orang bukai, kelimpah ari kaling nuan.

NAMA PATUT DIGAGA NUAN:

  • Awakka orang bukai nemu nuan deka meruan enggau kaling nuan

  • Berundingka asai ati kaling nuan, lalu seliahka sebarang utai ti ngasuh iya enda lantang ati