Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Kita Sebilik Ulih Gaga Ati

 PELAJAR 1

Bepanggai ba Petara Ngambika Diri Melaki-bini Bulih Pengelantang

Bepanggai ba Petara Ngambika Diri Melaki-bini Bulih Pengelantang

‘Petara ti ngaga mensia lelaki enggau indu kenyau ari pun kelia.’—Matthew 19:4

Jehovah * ngepunka pengawa jadi melaki-bini. Bup Kudus madahka kitai, Iya ngaga seiku indu lalu “mai indu nya ngagai iya [Adam].” Adam gaga amat ati, lalu bejaku: “Tu baru sedarah, segetah enggau aku saum tulang, saum isi enggau aku.” (Pemungkal 2:22, 23) Jehovah deka orang ke udah kawin gaga ati..

Sebedau kawin, nuan engka ngumbai semua utai deka mujur. Tang, taja pan laki bini rinduka pangan diri, seduai iya tetap bisi penusah ba ruang bilik. (1 ­Korint 7:28) Ba bup tu, nuan deka nemu pasal ajar Bup Kudus ke ulih dititih, ngambika ruang bilik nuan lantang.—Masmur 19:8-11.

 1 NERIMA TANGGUNGJAWAP ARI JEHOVAH

NAMA DIPADAH BUP KUDUS: Laki nyadi tuai bilik.Epesus 5:23.

Laki, Jehovah deka nuan nyaga bini enggau manah. (1 Peter 3:7) Jehovah deka bini nyadi kaling nuan, lalu Iya deka nuan nyaga bini enggau pengerindu sereta basa. (Pemungkal 2:18) Pengerindu nuan ti dalam ngagai bini, ngasuh nuan beberatka iya lebih agi ari diri empu.Epesus 5:25-29.

Bini, Jehovah deka nuan bebasaka laki nuan, lalu nulung iya nyaga ruang bilik. (1 Korint 11:3; Epesus 5:33) Besaup enggau laki, lalu nyukung pemutus ari iya enggau pengabis ati. (Kolosi 3:18) Enggau tu, nuan berega ba mata laki enggau Jehovah.1 Peter 3:1-6.

NAMA PATUT DIGAGA NUAN:

  • Tanya kaling nuan, baka ni nuan ulih nyadi laki tauka bini enggau manah agi. Dinga enggau manah, lalu berubah manah agi

  • Sabar. Seduai begunaka timpuh endur belajar ngelantangka pangan diri

2 NYAGA ATI KALING NUAN

NAMA DIPADAH BUP KUDUS: Nuan patut berundingka kaling nuan. (Pilipi 2:3, 4) Intu kaling nuan enggau manah. Kingatka, Jehovah deka nembiak Iya “nelap enggau semua orang.” (2 Timoti 2:24) ‘Leka jaku ti disebut enggau enda berunding, ngasuh ati balat telih baka diachuk pedang, tang jaku ti disebut enggau bejimat, ulih nyuman.’ Nya alai, bejimat meh maya bejaku. (Jaku Dalam 12:18) Roh kudus Jehovah deka nulung nuan bejaku enggau pengerindu sereta manah.Galatia 5:22, 23; Kolosi4:6.

NAMA PATUT DIGAGA NUAN:

  • Besampi ngambika sabar sereta ulih nerima runding sebedau berandau pasal utai ti berat enggau kaling nuan

  • Berunding enggau manah pasal utai ti deka disebut sereta baka ni deka nyebut iya

 3 NGEMBUAN SITI RUNDING

NAMA DIPADAH BUP KUDUS: Udah kawin, nuan nyadi ‘siti tubuh’ enggau kaling nuan. (Matthew 19:5) Tang, seduai agi dua iku orang, lalu engka enda sepenemu. Nya alai, seduai patut belajar ngembuan penemu enggau pengasai ati ti sama. (Pilipi 2:2) Seati maya ngaga pemutus. Ku Bup Kudus: “Giga jaku lalau ti manah, nya baru nuan deka mujur.” (Jaku Dalam 20:18) Awakka ajar Bup Kudus ngiring seduai maya ngaga pemutus ti berat.Jaku Dalam 8:32, 33.

NAMA PATUT DIGAGA NUAN:

  • Bekunsi penemu sereta asai ati enggau kaling nuan

  • Tanya penemu kaling nuan sebedau ngaga pemutus

^ per. 4 Jehovah nya nama Petara dalam Bup Kudus.

 

Belajar Lebih Agi

MENARA JAGA

Laki—Intu Meh Ruang Bilik Nuan

Ruang bilik ulih chukup belanja, tang iya bisi pengurang ba utai bukai ke beguna agi.