Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 20

Baka Ni Raban ti Ngiring Bejalaika Pengawa Kemaya Hari Tu?

Baka Ni Raban ti Ngiring Bejalaika Pengawa Kemaya Hari Tu?

Raban ti ngiring maya abad ti keterubah

Macha surat ari raban ti ngiring

Ba abad ti keterubah, seraban mit bala rasul enggau bala tuai gempuru ba Jerusalem, megai pengawa nyadi raban ti ngiring kena ngaga pemutus ti berat ngarika semua eklisia Kristian ke diiri ngena roh kudus. (Kereja Rasul 15:2) Sida ngaga pemutus pengudah berandauka utai ke disebut ba Jaku Petara sereta nitihka iring ari roh kudus Petara. (Kereja Rasul 15:25) Chara nya agi dikena nyentukka diatu.

Raban ti Ngiring dikena Petara ngereja peneka Iya. Bala menyadi Kristian lelaki ke diiri ngena roh kudus ke nyadi Raban ti Ngiring bisi pengerindu ti dalam ngagai Jaku Petara enggau mayuh peneleba ngaduka pengawa kami sereta mutarka tanya ke bekaul enggau pengarap. Sida baum ninting minggu berundingka utai ti diguna bala menyadi ba serata dunya. Baka maya abad ti keterubah, iring ti nitihka Bup Kudus disediaka sekalika nengah surat, tuai ti ngabas tauka chara bukai. Tu meransang penyerakup ba runding enggau ulah nembiak Petara. (Kereja Rasul 16:4, 5) Raban ti Ngiring ngemataka pengawa nyediaka pemakai beroh, ngemansangka pengawa nginjil, sereta ngemataka pengawa milih menyadi Kristian lelaki ke ulih megai tanggung pengawa.

Raban ti Ngiring nitihka iring ari roh kudus Petara. Raban ti Ngiring minta iring ari Pemerintah ti Pemadu Tinggi iya nya Jehovah, enggau ari Tuai eklisia iya nya Jesus. (1 Korint 11:3; Epesus 5:23) Genap iku sida enda ngumbai diri empu nyadi kepala nembiak Petara. Sida, enggau semua orang Kristian ke diiri ngena roh kudus, ‘nitihka Anak Domba [Jesus] ngagai sebarang endur iya bejalai.’ (Pemandang 14:4) Raban ti Ngiring amat beterima kasih lebuh kitai besampika sida enggau pengawa sida.

  • Sapa nyadi raban ti ngiring maya abad ti keterubah?

  • Baka ni Raban ti Ngiring kemaya hari tu ngiga iring ari Petara?

Belajar Lebih Agi

UTAI KE SUAH DITANYA

Sapa Orang ke Ngepunka Saksi-Saksi Jehovah?

Bacha kebuah Charles Taze Russell ukai orang ke ngepunka pengarap ti baru.