Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 16

Nama Tanggung Pengawa Penulung Gempuru?

Nama Tanggung Pengawa Penulung Gempuru?

Myanmar

Begian ba gempuru

Raban nginjil

Ngaduka Palan Gempuru

Bup Kudus bisi nyebut pasal dua raban lelaki Kristian ke megai tanggung pengawa ba eklisia. Saksi-Saksi Jehovah nyebut sida tu “tuai gempuru” enggau “penulung gempuru.” (Pilipi 1:1, NW) Selalu iya, bisi bala tuai gempuru enggau penulung gempuru megai pengawa ba tiap iti eklisia. Nama pengawa dikereja bala penulung gempuru ke nguntungka kami?

Sida nyaup raban tuai gempuru. Enda ngira tuai tauka biak, bala penulung gempuru bisi kaul ti rapat enggau Jehovah, lalu sida tau dikearap sereta bagas. Sida ngereja pengawa ke beguna ba eklisia enggau ba Palan Gempuru. Tu nulung bala tuai gempuru ulih betumpu ba pengawa ngajar enggau ngibun raban eklisia.

Sida ngereja mayuh bengkah pengawa ti beguna. Sekeda ari penulung gempuru diberi pengawa ngelaluka orang ke datai begempuru. Iya ke bukai nyaga perengka audio, nyadung litaricha, nyaga akaun eklisia enggau ngatur endur nginjil ke raban ba eklisia. Sida mega nulung nyeruri tauka ngaduka Palan Gempuru. Bala tuai gempuru mega engka bisi ngasuh sida nulung orang ke udah tuai. Bala penulung gempuru patut nerima basa ari semua orang laban sida sanggup ngereja semua pengawa ke diberi ngagai sida.—1 Timoti 3:13.

Sida lelaki Kristian ke meri teladan ti manah. Penulung gempuru dipilih ketegal pemanah kualiti Kristian sida. Lebuh sida ngereja begian sida ba gempuru, sida ngeringka pengarap kami. Lebuh sida ngulu ba pengawa nginjil, sida nambahka pengeransing kami. Laban sida bekerejasama enggau raban tuai gempuru, sida ngemansangka pengaga ati enggau penyerakup. (Epesus 4:16) Nyau kelama, sida mega ulih nyadi tuai gempuru.

  • Penulung gempuru nya orang ke baka ni?

  • Baka ni penulung gempuru nulung eklisia bejalai enggau lanchar?