Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 13

Nama Reti Pengerintis?

Nama Reti Pengerintis?

Kanada

Ari rumah ke rumah

Belajarka Bup Kudus

Belajarka Bup Kudus kediri empu

Leka jaku “pengerintis” suah dituju ngagai orang ke nyelungkar endur ti baru tauka orang ke muka jalai ke ulih dititihka orang bukai. Jesus mega baka pengerintis. Iya dianjung ke dunya ngambika ngereja pengawa nginjil lalu meri peluang ngagai mensia ngambika ulih diselamatka. (Matthew 20:28) Kemaya hari tu, bala murid Jesus neladan iya enggau ngena mayuh jam ngaga orang nyadi murid Jesus. (Matthew 28:19, 20) Sekeda ari sida ulih enggau ngereja pengawa ke dikumbai kami pengerintis.

Pengerintis reti nya penginjil penuh jam. Semua Saksi-Saksi Jehovah ngerembaika berita manah. Taja pia, sekeda ari sida ngatur pengidup sida ngambika ulih nyadi pengerintis biasa, ke ngena 70 jam ninting bulan ba pengawa nginjil. Ngambika ulih ngereja tu, mayuh ari sida ngurangka jam bekereja. Bisi mega dipilih nyadi pengerintis spesial, ba endur ke mayuh begunaka penginjil Perintah Petara, lalu sida ngena 130 jam tauka lebih ba pengawa nginjil ninting bulan. Bala pengerintis idup enggau penumbas iya. Sida pechaya Jehovah deka meri utai ke diguna sida ba pengidup ninting hari. (Matthew 6:31-33, 1 Timoti 6:6-8) Sida ke enda ulih nyadi pengerintis penuh jam engka ulih nyadi pengerintis sukung lebuh maya sida ke ulih, lalu nambahka pengawa nginjil sida ngagai 30 tauka 50 jam sebulan.

Pengerintis diperansang ketegal pengerindu ngagai Petara enggau mensia. Baka Jesus, kitai nemu mayuh orang kemaya hari tu deka nemu pemendar pasal Petara enggau tuju Iya. (Mark 6:34) Kitai bisi penemu ke ulih nulung sida diatu, lalu meri sida pengadang ke utai jemah ila. Pengerindu ngagai orang mayuh meransang pengerintis ngena jam enggau pengering sida kena nulung orang bukai ba pengarap. (Matthew 22:39; 1 Tesalonika 2:8) Asil ari pengawa tu deka nulung pengerintis nya tegap ba pengarap, semak agi ngagai Petara, enggau ulih ngasuh iya gaga ati.—Kereja Rasul 20:35.

  • Baka ni nuan nerangka reti pengerintis?

  • Nama meransang sekeda orang nyadi pengerintis penuh jam?