Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 24

Baka Ni Pengawa Kami ba Serata Dunya Dipelanja?

Baka Ni Pengawa Kami ba Serata Dunya Dipelanja?

Nepal

Togo

Britain

Tiap taun, gerempung kami ngeluarka lalu nyadung beratus juta iti Bup Kudus enggau litaricha bukai enggau enda bebayar. Kami nirika sereta ngaduka Palan Gempuru enggau pampang opis. Pia mega, kami nyukung beribu iku menyadi ba Betel enggau pengerintis seberai tasik, lalu meri tulung lebuh penusah ngenyit bisi nyadi. Nuan engka berunding, ‘Baka ni semua utai tu dipelanja?’

Kami enda minta pemeri sepuluh peratus, minta bayar, tauka ngumpul duit pupu. Taja pan ungkus nyukung pengawa nginjil tu besai, kami enda minta duit. Lebih ari seratus taun kelia, edisi kedua Menara Jaga madahka kami pechaya Jehovah deka nyukung kami, lalu kami “enda kala minta kasih tauka minta tulung ari orang”—lalu tu amat nyentukka diatu!—Matthew 10:8.

Pengawa kami disukung ari pemeri sukarela. Mayuh orang beterima kasih ke pengawa kami ngajar Bup Kudus lalu meri pemeri. Bala Saksi empu enggau gaga ati meri awak, pengering, duit enggau utai bukai kena ngereja peneka Petara di serata dunya. (1 Bansa Israel 29:9) Ba Palan Gempuru, ba gempuru besai enggau ba konvensyen kami, bisi kutak pemeri disediaka ngagai orang ke deka meri duit pemeri. Pemeri mega ulih diberi nengah laman web kami, jw.org. Ba serata dunya, kemayuh agi duit pemeri datai ari sida ke ukai kaya, lalu tu baka pemeri indu balu ti seranta ke dipuji Jesus taja pan nepuka dua singkap duit engkeraju ngagai tabung duit Rumah Sembiang. (Luke 21:1-4) Nya alai, tiap iku orang ulih “ngalau lalu naruh duit” enggau tetap kena meri “nitihka pemutus runding diri.”—1 Korint 16:2; 2 Korint 9:7.

Kami pechaya Jehovah deka terus ngasuh ati orang ke deka ngemesaika Iya ngena utai sida ti berega kena nyukung pengawa Perintah Petara, ngambika peneka Iya ulih mujur.—Jaku Dalam 3:9.

  • Nama ngasuh gerempung kami enda sebaka enggau pengarap bukai?

  • Baka ni kami ngena pemeri sukarela?