Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 25

Nama Kebuah enggau Baka Ni Kami Ngaga Palan Gempuru?

Nama Kebuah enggau Baka Ni Kami Ngaga Palan Gempuru?

Bolivia

Nigeria, sebedau enggau pengudah

Tahiti

Ba Palan Gempuru, kami berandau pasal Perintah Petara—batang randau Jesus ba pengawa nginjil.—Luke 8:1.

Tu nyadi palan sembah ti bendar. Ba endur nya, pengawa ngerembaika berita manah pasal Perintah Petara diatur. (Matthew 24:14) Palan Gempuru bisi mayuh macham pemesai sereta gamal, tang digaga enggau pengumbas iya sereta enda kelalu balat diias. Selalu iya, Palan Gempuru dikena lebih ari siti eklisia. Baru-baru tu, kami udah ngaga bepuluh ribu iti Palan Gempuru ke baru (kira-kira lima buah dalam sehari) kena nyukung eklisia kami ke majak nambah. Baka ni kami ngereja tu?—Matthew 19:26.

Palan Gempuru digaga ngena duit pemeri. Pemeri dianjung ngagai pampang opis ngambika duit nya ulih dikena eklisia ke deka ngaga tauka ngubah baru Palan Gempuru.

Palan Gempuru digaga bala sukarela ke datai ari mayuh macham chara pengidup. Ba mayuh menua, Raban Ngaga Palan Gempuru ditubuhka. Raban tu begulai enggau bala sukarela mindah ari siti eklisia ke siti eklisia dalam menua nya, nyentukka ngagai endur ti jauh, ngambika nulung eklisia ba endur nya ngaga Palan Gempuru sida. Ba menua bukai, Saksi ke layak udah dipilih ngambika ngemataka pengawa ngaga enggau ngaduka baru Palan Gempuru ba pelilih menua ke dijaga sida. Taja pan mayuh sukarela ke landik ari pelilih menua nya bekereja ba tiap iti alai nirika bengunan, tang mayuh mega sukarela ke datai ari eklisia ba endur nya empu sama nulung. Semua tu ulih nyadi ketegal tulung ari roh kudus Jehovah enggau ketegal nembiak Iya ke gawa enggau pengabis ati.—Masmur 127:1; Kolosi 3:23.

  • Nama kebuah Palan Gempuru ulih digaga ba serata dunya?