Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 4

Nama Kebuah Kami Nyalin Bup Kudus?

Nama Kebuah Kami Nyalin Bup Kudus?

Congo (Kinshasa)

Rwanda

Symmachus fragment bisi nama Petara ba Masmur 69:31, Taun Masihi 300 tauka 400.

Udah bepuluh taun Saksi-Saksi Jehovah ngena, nyelak, sereta nyadung mayuh bengkah salin Bup Kudus. Udah nya, kami meda nama kebuah kami patut ngaga salin ti baru kena nulung orang nemu enggau manah agi “penemu pasal pemendar,” iya ke deka Petara ngagai semua orang. (1 Timoti 2:3, 4) Nya alai, ba taun 1950 kami berengkah ngeluarka sekeda begian Bup Kudus, ke dikumbai New World Translation dalam jaku English. Bup Kudus tu udah disalin enggau tetap ati sereta betul ngagai lebih ari 130 iti bansa jaku.

Begunaka Bup Kudus ti senang dimeretika. Leka jaku ke dikena suah berubah, lalu mayuh salin Bup Kudus ngembuan leka jaku ti tusah dimeretika. Pia mega, manuskrip jeman kelia ke betul sereta semak agi enggau penemu ti bendar udah ditemu. Tu nulung kami nemu enggau manah agi jaku Hebrew, Aramaik enggau Gerika ke dikena ba Bup Kudus.

Begunaka salin ti taluk ke jaku Petara. Penyalin Bup Kudus patut nyalin jaku asal Petara, lalu enda patut ngubah iya. Tang, ba mayuh salin Bup Kudus, nama Petara iya nya Jehovah, enda dikena.

Begunaka Bup Kudus ti meri puji ngagai Pengarang. (2 Samuel 23:2) Ba New World Translation, nama Jehovah disimpan baru. Nama Iya kala pansut kira-kira 7,000 kali dalam manuskrip Bup Kudus ke pemadu lama, baka ke bisi ba gambar di baruh tu. (Masmur 83:18) Bup Kudus tu asil ari pansik betaun-taun, lalu iya senang dibacha sereta ngasuh kitai nemu runding Petara enggau terang agi. Sekalika nuan bisi Bup Kudus New World Translation dalam bansa jaku nuan tauka nadai, kami meransang nuan macha Jaku Jehovah ninting hari. —Josua 1:8; Masmur 1:2, 3..

  • Nama kebuah kami begunaka salin Bup Kudus ti baru?

  • Nama pengawa manah ke patut digaga orang ninting hari enti sida deka nemu peneka Petara?

Belajar Lebih Agi

Nama Utai ti Bendar Diajar Bup Kudus?

Bup Kudus—Bup Ari Petara

Baka ni Bup Kudus ulih nulung nuan mutarka penusah? Nama kebuah nuan tau pechayaka utai ti dipadah Bup Kudus?