Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

Nama Peneka Petara?

Nama Peneka Petara?

Petara deka kitai idup dalam pemaik enggau pengelantang ba dunya paradais belama-lama iya!

Taja pia, nuan engka berunding, ‘Baka ni nya tau nyadi?’ Bup Kudus madahka Perintah Petara deka ngemujurka utai tu, lalu endang sigi peneka Petara ngambika semua orang belajar pasal Perintah Iya enggau tuju Iya ke kitai.—Masmur 37:11, 29; Isaiah 9:7.

Petara deka kitai bulih utai ti manah.

Apai kitai ti di serega deka kitai ngembuan pengelantang ti meruan, baka seiku apai ti manah ke deka utai ti pemadu badas ngagai anak iya. (Isaiah 48:17, 18) Iya udah besemaya, ‘orang ke ngereja peneka Petara deka idup belama iya.’—1 John 2:17.

Petara deka kitai bejalai nengah jalai ti udah dipilih Iya.

Bup Kudus madahka Penempa kitai deka ngajar kitai pasal jalai Iya ngambika kitai ulih “bejalai nengah jalai ti udah dipilih Iya.” (Isaiah 2:2, 3) Iya udah ngatur “nembiak” ke ngena nama Iya ngambika peneka Iya ditemu di serata dunya.—Kereja Rasul 15:14.

Petara deka kitai beserakup nyembah Iya.

Sembah ti tuchi ngagai Jehovah nyerakupka orang enggau pengerindu ti bendar, ukai nyeraraka orang. (John 13:35) Kemaya hari tu, sapa ke benung ngajar orang ba dini-dini endur ngambika beserakup nyembah Petara? Kami ngelaluka nuan nemu iya ngena bup tu.

 

Belajar Lebih Agi

PROGRAM BELAJARKA BUP KUDUS

Nama Nyadi Lebuh Belajarka Bup Kudus?

Di serata dunya tu, Saksi-Saksi Jehovah dikelala orang ketegal nyendiaka program belajarka Bup Kudus enggau pechuma. Peda chara iya dipejalaika.

PROGRAM BELAJARKA BUP KUDUS

Nama Kebuah Belajar Bup Kudus?

Bup Kudus nyediaka saut ngagai utai ti ditanya bejuta iku mensia ba serata dunya tu. Kati nuan empu deka nemu saut iya?

Nama Utai ti Bendar Diajar Bup Kudus?

Nama Tuju Petara Ngaga Dunya Tu?

Kati tuju Petara ngaga dunya paradais deka dikeamatka? Enti amat, kemaya?