Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 5

Nama Deka Diulih Nuan ba Gempuru Kristian Kami?

Nama Deka Diulih Nuan ba Gempuru Kristian Kami?

Argentina

Sierra Leone

Belgium

Malaysia

Mayuh orang badu datai enggau gempuru pengarap laban sida enda tetemuka lalau ba pengarap tauka pengelantang. Tang, nama kebuah nuan patut datai ngagai gempuru Kristian ke diatur Saksi-Saksi Jehovah? Nama deka ditemu nuan dia?

Pengelantang ati begulai enggau orang ke bisi pengerindu enggau pengibuh. Ba abad ti keterubah, orang Kristian diatur ngena eklisia, lalu sida begempuru nyembah Petara, belajarka Bup Kudus, enggau meransang pangan diri. (Hebrew 10:24-25) Begempuru dalam pengerindu, sida ngasaika diri empu enggau pangan ti bendar—bala menyadi Kristian. (2 Tesalonika 1:3; 3 John 14) Kami nitihka chara ti sama enggau ngasaika pengelantang ti sama.

Penguntung ari belajar ngena prinsip Bup Kudus. Baka maya jeman Bup Kudus, lelaki, indu enggau anak mit sama begempuru. Pengajar ti landik ngajar kitai baka ni ngena prinsip Bup Kudus ba pengidup ninting hari. (Ulang Adat 31:12; Nehemiah 8:8) Semua ke datai ulih ngambi begian dalam gempuru enggau belagu. Tu ngasuh kitai ngayanka pengadang Kristian kitai.—Hebrew 10:23.

Berekat ti diterima ketegal pengarap ti teguh ngagai Petara. Rasul Paul madah ngagai siti ari eklisia Kristian maya iya suba: “Aku balat lelengauka kita, . . . ngambika kitai sama diperansang ulih pengarap pangan diri, iya nya pengarap kita, enggau pengarap aku.” (Rome 1:11, 12) Selalu betemu enggau bala sama pengarap ba gempuru ulih ngeringka pengarap kami enggau pengeran kami ke deka nitihka jalai pengidup Kristian.

Kami ngelaluka nuan datai ngagai gempuru kami lalu ngasaika semua utai tu. Penatai nuan tentu diterima kami enggau ati ti gaga. Semua gempuru nadai bebayar—lalu nadai minta duit pupu.

  • Nitihka teladan sapa gempuru kami diatur?

  • Baka ni kami bulih penguntung ari gempuru Kristian?