Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 11

Nama Kebuah Kami Datai Ngagai Gempuru Besai?

Nama Kebuah Kami Datai Ngagai Gempuru Besai?

Mexico

Jerman

Botswana

Nicaragua

Itali

Nama kebuah sida gaga amat ati? Sida datai ngagai siti ari gempuru besai kami. Baka nembiak Petara ke dulu kelia diasuh datai begempuru enggau pangan diri tiga kali setaun, kami mega rindu amat deka datai ngagai gempuru besai. (Ulang Adat 16:16) Ninting taun kami bisi tiga kali gempuru besai: dua kali gempuru besai sehari, enggau sekali konvensyen pelilih menua pengelama tiga hari. Baka ni kami ulih bulih penguntung ari gempuru besai tu?

Gempuru besai tu ngeringka kaul Kristian kami. Baka bansa Israel ke gaga ati muji Jehovah lebuh “begempuru,” kami mega gaga ati nyembah Jehovah begulai enggau pangan diri ba pengawa ti spesial tu. (Masmur 26:12; 111:1) Gempuru besai tu meri kami peluang betemu sereta begulai enggau bala Saksi ari eklisia bukai tauka menua bukai. Maya ngetu tengah hari, kami begulai makai ba palan gempuru besai, lalu pengawa tu ngeringka kaul kami. (Kereja Rasul 2:42) Ba gempuru besai tu, kami ulih ngasaika pengerindu ti nyerakupka semua bala menyadi ba serata dunya.—1 Peter 2:17.

Gempuru besai tu nulung kami mansang ba pengarap. Bansa Israel mega bulih penguntung laban sida udah “meretika” Jaku Petara ke udah diterangka ngagai sida. (Nehemiah 8:8, 12) Kami mega gaga ati nerima penemu ari Bup Kudus ke dikenataika ba gempuru besai kami. Tiap iti program tu nitihka batang randau ke diambi ari siti ayat Bup Kudus. Nengah cheramah, topik ba batang randau, sereta lakun, kami belajarka chara ngereja peneka Petara ba pengidup kami. Kami diperansang maya ninga peneleba ari bala menyadi Kristian kami ke ulih ngelaban penguji taja pan idup ba maya ti tusah tu. Ba konvensyen pelilih menua, bisi drama ke ngasuh ayat ba Bup Kudus nyata ba kami lalu ngajar kami penemu ti beguna. Ba tiap iti gempuru besai, bisi pengawa maptisa ke orang ti deka ngayanka diri udah nyerahka diri ngagai Petara.

  • Nama kebuah gempuru besai nya pengawa ti ngagaka ati?

  • Nama penguntung nuan datai ngagai gempuru besai?