Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Sapa Orang Ti Ngereja Peneka Jehovah Kemaya Hari Tu?

 PELAJAR 9

Baka Ni Kitai Deka Nyediaka Diri Ngagai Gempuru enggau Chara ti Pemadu Manah?

Baka Ni Kitai Deka Nyediaka Diri Ngagai Gempuru enggau Chara ti Pemadu Manah?

Cambodia

Ukraine

Enti nuan belajarka Bup Kudus enggau seiku ari Saksi-Saksi Jehovah, nuan tentu meresa dulu genap iti utai ke deka dipelajar. Pia mega, nuan deka ngereja utai ti sama sebedau datai ngagai gempuru eklisia ngambika bulih mayuh penguntung. Kitai bulih asil ke manah enti kitai ngaga pengawa tu belama.

Ngatur kemaya enggau dini endur belajar. Kemaya nuan ulih belajar enggau pemadu manah? Tumu pagi, sebedau nuan nurun kereja tauka maya malam, pengudah anak nuan tinduk? Nyema nuan enda ulih belajar kelalu lama, atur ni pengelama nuan ulih belajar, lalu anang ngasuh utai bukai ngachau nuan. Giga meh endur ke sunyi, lalu seliahka semua utai ke ulih ngachau enggau nutup radio, tv sereta talipaun. Besampi dulu sebedau belajar ulih nulung nuan muai pengirau ati, ngambika nuan ulih belajarka Jaku Petara enggau manah agi.—Pilipi 4:6, 7.

Garis saut, lalu sediaka komen. Keterubah, uji meretika subjek nya. Pikirka pasal tajuk artikel tauka utai ke dipelajar, perundingka baka ni tajuk ke mit bekaul enggau tajuk ke besai, lalu peresa gambar enggau tanya ulang kaji ke nerangka batang penemu. Udah nya, bacha tiap iti genteran, lalu giga saut ngagai tanya ke bisi dichelak. Peda enggau bacha ayat ari Bup Kudus, lalu pikirka baka ni ayat nya bekaul enggau utai ke dipelajar. (Kereja Rasul 17:11) Lebuh nuan bulih saut iya, garis tauka tanda saut nya ngambika nuan ingatka saut nya lebuh begempuru. Udah nya, ba gempuru, nuan ulih ngangkatka jari enti nuan ka nyaut, lalu meri komen ti pandak ngena jaku nuan empu.

Enggau meresa bemacham subjek ke dikerandauka ninting minggu ba gempuru, nuan ulih nambahka penemu ti baru ngagai “setor” penemu Bup Kudus nuan.—Matthew 13:51, 52.

  • Nama pengawa ke patut digaga nuan sebedau datai begempuru?

  • Baka ni nuan ulih nyediaka diri ngambika ulih meri komen lebuh begempuru?