Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 1

Petara Mai Nuan Nyadi Pangan Iya

Petara Mai Nuan Nyadi Pangan Iya

Petara deka nuan nyadi pangan Iya. Kala nuan berunding, nuan ulih nyadi pangan Orang ke pemadu besai ba dunya? Abraham, ke kala idup kelia menya, dikumbai pangan Petara. (James 2:23) Orang bukai ke bisi disebut dalam Bup Kudus mega ulih ngasaika pemanah kaul nya sereta bulih mayuh berekat. Kemaya hari tu, mayuh orang ba serata dunya udah nyadi pangan Petara. Nuan mega tau nyadi pangan Petara.

Nyadi pangan Petara manah agi ari nyadi pangan mensia. Petara nadai kala ngelebuka pangan Iya ti taluk. (Masmur 18:25) Nyadi pangan Petara nya manah agi ari bisi pengaya. Lebuh orang kaya mati, duit iya deka diempu orang bukai. Tang, orang ke bisi kaul ti manah enggau Petara bisi reta ke enda ulih diambi orang bukai.—Matthew 6:19.

Sekeda orang engka nagang nuan belajar pasal Petara. Engka sekeda ari pangan enggau diri sebilik nuan deka ngereja tu. (Matthew 10:36, 37) Enti bisi orang ketawaka nuan tauka ngenakutka nuan, tanya diri empu, ‘Aku deka ngelantangka ati sapa—mensia tauka Petara?’ Perundingka tu: Enti bisi orang ngasuh nuan badu makai, ka nuan ngasika iya? Tentu enda! Nuan begunaka pemakai kena idup. Tang Petara ulih ngasuh nuan idup belama! Nya alai, anang nejuka sapa-sapa nagang nuan terus belajar pasal baka ni nuan ulih nyadi pangan Petara.—John 17:3.