Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 15

Pangan Petara Ngereja Utai ti Manah

Pangan Petara Ngereja Utai ti Manah

Enti nuan bisi pangan ke dikerindu enggau dipebasaka nuan, nuan deka nguji baka iya. Laban Bup Kudus madahka: ‘Jehovah endang lurus sereta badas’. (Masmur 25:8) Enti deka nyadi pangan Petara, kitai patut lurus sereta badas. Bup Kudus mega madahka: ‘Nya alai tunda teladan Petara, laban kita tu anak ke dikesayauka Iya. Lalu idup dalam pengerindu’. (Epesus 5:1, 2) Tu sekeda chara pasal baka ni ngereja nya:

Deka nulung orang bukai. “Kereja pengawa ti badas ngagai semua orang”.—Galatia 6:10.

Bebendar kereja. “Orang ke penchuri enda tau enda badu agi ngenchuri, lalu ngereja pengawa ti menyana ngena jari iya empu, ngambika iya bisi utai dipekunsika enggau orang ke suntuk.”—Epesus. 4:28.

Selalu nyaga pemeresi tubuh enggau moral. ‘Aram kitai nuchi diri empu ari semua utai ti ngamahka tubuh enggau roh kitai,  lalu nyadi pemadu kudus nangika Petara.’—2 Korint 7:1.

Jaga diri sebilik nuan enggau pengerindu sereta basa. ‘Genap iku kita patut rinduka bini diri, . . . lalu bini patut masa laki. Anak, ngasika apai indai.’—Epesus 5:33–6:1.

Ngayankan pengerindu ngagai orang bukai. ‘Aram kitai rinduka pangan diri, laban pengerindu datai ari Petara.’—1 John 4:7.

Ngasika adat perintah ba menua nya. ‘Awakka semua orang nunduk ngagai perintah ti megai menua . . . Bayar ngagai sida utai ti patut dibayar kita.’—Rome 13:1, 7.