Terus ngagai penerang

Terus ngagai laman kedua

Saksi-Saksi Jehovah

Iban

Ulih Orang ke Udah Mati Idup Baru?

Ulih Orang ke Udah Mati Idup Baru?

Kati saut nuan . . .

  • ulih?

  • enda ulih?

  • engka?

 NAMA DIPADAH BUP KUDUS

“Deka diangkatka ari mati.”—Kereja Rasul 24:15, Bup Kudus Baru.

NAMA RETI NYA BA NUAN

Bulih pengelantang lebuh orang ke dikesayauka mati.—2 Korint 1:3, 4.

Enda takutka pemati.—Hebrew 2:15.

Bisi pengadang begulai baru enggau orang ke dikesayau ti udah mati.—John 5:28, 29.

 ULIH KITAI ARAPKA UTAI TI DIPADAH DALAM BUP KUDUS?

Ulih, laban tiga iti kebuah tu:

  • Petara nya Penempa pengidup. Bup Kudus madah Petara Jehovah nya “pun pengidup.” (Masmur 36:9; Kereja Rasul 17:24, 25) Iya ke ulih meri pengidup ngagai semua utai idup tentu ulih ngidupka orang ke udah mati.

  • Petara kala ngangkatka mensia ari mati dulu kelia. Bup Kudus bisi nusui pasal lapan iku orang, iya nya sida ke biak, tuai, lelaki enggau indu ti bisi diangkat idup baru ba dunya tu. Sekeda sida tu baru mati, tang bisi seiku udah mati empat hari!—John 11:39-44.

  • Petara endang keran deka ngereja tu baru. Jehovah begedika pemati. Pemati nya munsuh iya. (1 Korint 15:26) Iya deka amat ngalahka munsuh tu, Iya nya ngangkatka orang ti mati idup baru. Petara deka amat meda orang ke diingatka Iya idup baru ba dunya tu.—Jop 14:14, 15.

 UJI PIKIRKA

Nama kebuah kitai nyadi tuai lalu mati?

Bup Kudus meri saut nya ba PEMUNGKAL 3:17-19 enggau ROME 5:12.

Belajar Lebih Agi

BERITA MANAH ARI PETARA!

Nama Peluang Orang ti Udah Mati?

Nama penyadi maya kitai mati? Ulih kitai meda orang ti disayauka kitai idup baru?