Terus ngagai penerang

Terus ngagai laman kedua

Saksi-Saksi Jehovah

Iban

Sapa ke Amat Nguasa Dunya Tu

Sapa ke Amat Nguasa Dunya Tu

Sapa ba runding nuan . . .

  • Petara?

  • mensia?

  • orang bukai?

 NAMA DIPADAH BUP KUDUS

“Lalu kitai mega nemu semua dunya di baruh kuasa Sitan.”—1 John 5:19.

‘Kebuah Anak Petara dipandangka nya ngambika Iya ngerusak pengawa Sitan.’—1 John 3:8, Bup Kudus Baru.

NAMA RETI NYA BA NUAN

Penerang pasal penusah dunya ti ulih diterima.—Pemandang 12:12.

Bisi pengadang dunya tu deka nyadi manah.—1 John 2:17.

 ULIH KITAI ARAPKA UTAI TI DIPADAH DALAM BUP KUDUS?

Ulih, uji pikirka tiga iti kebuah tu:

  • Kuasa merintah Sitan deka abis. Jehovah udah mutus deka ngujungka kuasa merintah Sitan ngagai mensia. Iya bejanji deka “ngerusak Sitan,” lalu ngemanahka utai ti udah dirusak Sitan.— Hebrew 2:14.

  • Petara udah milih Jesus Kristus merintah dunya. Jesus enda baka penguasa dunya ti jai sereta amu. Ngenangka kuasa Jesus, Petara bejanji: “Iya sinu ati ke orang ke lemi sereta seranta. . . . Iya ngelepaska sida ari orang ke nekanka pengidup sida, enggau ari orang ke mangah.”—Masmur 72:13, 14.

  • Petara enda kala bula. Bup Kudus madah: ‘Petara nunjukka Diri enda bula.’ (Hebrew 6:18) Semua janji Jehovah baka utai ti udah nyadi. (Isaiah 55:10, 11) “Diatu iya ke merintah dunya tu deka diburu.”—John 12:31.

 UJI PIKIRKA

Baka ni gaya dunya tu udah penguasa iya dibuai?

Bup Kudus meri saut nya ba MASMUR 37:10, 11 enggau PEMANDANG 21:3, 4.