Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 8

Ngajar Ngena Jaku Sempama

Ngajar Ngena Jaku Sempama

Matthew 13:34, 35

NAMA PATUT DIGAGA: Kemansangka chara nuan ngajar ngena jaku sempama ti senang sereta narit ati peninga nuan. Jaku sempama patut nulung peninga meretika poin ti patut dikemeratka.

BAKA NI NGEREJA NYA:

  • Kena jaku sempama ti senang. Baka Jesus, lebuh nerangka pemendar, kena meh utai ke udah ditemu orang bukai tauka utai ke nyadi ba pengidup sida besehari-hari. Anang ngena penerang ti nadai kaul laban nya ulih ngasuh jaku sempama tusah dimeretika. Tentuka jaku sempama nuan ngena enggau utai ti diajar, ngambika peninga enda dilimpangka enggau penerang ti nadai kaul enggau utai ke disebut nuan.

  • Perundingka utai ti meri penguntung ngagai peninga nuan. Pilih jaku sempama ti ngerinduka ati sereta bisi kaul enggau peninga nuan. Bejimat ngambika enda ngena jaku sempama ke ulih ngasuh peninga nuan berasai malu tauka enda nyamai ati.

  • Ajar poin ti patut dikemeratka. Kena jaku sempama ti nerangka poin ke patut dikemeratka. Tentuka peninga nuan ukai aja ingatka jaku sempama nya, tang mega utai ke ulih dipelajarka iya ari jaku sempama nya.