Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 17

Senang Dimereti

Senang Dimereti

1 Korint 14:9

NAMA PATUT DIGAGA: Tulung peninga nuan ngambika ulih nemu reti utai ke dipadahka nuan.

BAKA NI NGEREJA NYA:

  • Pansik enggau dalam utai ti deka dikenataika nuan. Tentuka nuan meretika utai ke deka dikenataika nuan ngambika nuan ulih nerangka iya enggau senang ngena leka jaku nuan empu.

  • Kena ayat ti pandak sereta rambai jaku ti senang. Taja pan enda salah ngena ayat ti panjai, tang enggau naka ulih nguji ngena ayat ti pandak kena nerangka poin ti dikemeratka nuan.

  • Terangka leka jaku ke enda dimeretika tauka jarang didinga. Anang mayuh ngena leka jaku ke enda dimeretika tauka jarang didinga peninga nuan. Enti nuan enda ulih nyeliahka diri ari ngena leka jaku ke baka nya, ambika chunto orang ke bisi ba Bup Kudus, penyukat ti dikena maya jeman kelia, tauka adat jeman kelia, nuan patut nerangka nya.