Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 PELAJAR 14

Terangka Poin ti Dikemeratka

Terangka Poin ti Dikemeratka

Hebrew 8:1

NAMA PATUT DIGAGA: Tulung peninga nuan ngambika senang nitihka cheramah nuan, lalu terangka baka ni tiap iti poin ti dikemeratka bekaul enggau tuju cheramah nuan.

BAKA NI NGEREJA NYA:

  • Tentuka nama tuju cheramah nuan. Perundingka sekalika cheramah nuan nya dikena meri jaku gerah, ngasuh orang andal, tauka meransang peninga nuan. Udah nya, kenataika cheramah nuan sejalai enggau tuju nya. Tentuka semua poin ti dikemeratka nyukung tuju cheramah nuan nya.

  • Terangka poin ti dikemeratka ba cheramah nuan. Tentuka nuan nerangka cheramah enggau nandu leka jaku kunchi ari tajuk cheramah nuan, tauka ngena leka jaku bukai ke sama reti.

  • Tentuka poin ti dikemeratka terang sereta senang dimeretika. Semina milih poin ti bekaul enggau tajuk cheramah nuan, ngambika nuan ulih ngajar enggau mujur nitihka awak ti udah ditetapka. Anang ngena kelalu mayuh poin. Terangka tiap iti poin ti dikemeratka, lalu ngetu enda lama, sebedau nerangka poin ti nangkanka nya. Pia mega, tentuka nuan nerangka tiap iti poin enggau lanchar.