Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

8. Nama Reti Perintah Petara?

8. Nama Reti Perintah Petara?

PEMENDAR 1 PERINTAH PETARA ENDANG NYATA

“Datai meh Perintah Nuan. Nyadi meh peneka Nuan di dunya enggau di serega.”—Matthew 6:9-13

Nama reti Perintah Petara?

  • Pemandang 11:15

    Perintah Petara ti di serega deka merintah atas dunya.

  • Pemandang 17:14

    Jesus nya Raja ba Perintah Petara.

  • Pemandang 14:1

    144,000 iku mensia deka merintah enggau Jesus ari serega.

  • Hebrew 4:15; 5:8

    Jesus enggau 144,000 iku mensia nya nemu asai ati sereta penusah ke ditapi kitai.

PEMENDAR 2 JESUS DEKA NYADI PEMERINTAH TI PEMADU MANAH

“Iya deka ngakim orang ke seranta ngena atur ti lurus.”—Isaiah 11:4

Nama kebuah nya manah milih Jesus nyadi Raja ba Perintah Petara?

  • 1 Timoti 6:16

    Semua pemerintah mensia ulih mati, tang Jesus enda. Semua utai manah ti dikereja Jesus ke kitai deka meruan belama iya.

  • Isaiah 11:2-4

    Jesus ulih ngereja mayuh agi utai manah ari ke kala digaga semua pemerintah mensia, lalu iya bekuasa agi ari semua pemerintah mensia. Iya lurus sereta ngembuan penyinu.

PEMENDAR 3 PERINTAH PETARA DEKA NENTUKA PENEKA PETARA DIKEAMATKA

‘Petara ti di serega deka numbuhka siti perintah ti enda nemu abis.’—Daniel 2:44

Nama udah digaga Perintah Petara? Nama deka digaga Perintah nya jemah ila?

  • Pemandang 12:7-12

    Pengudah Jesus nyadi Raja ba taun 1914, iya muai Sitan ari serega ke dunya. Nya kebuah bisi mayuh pengachau, pemedis, sereta pemerinsa di serata dunya.

  • Pengajar 8:9; Pemandang 16:16

    Maya Armagedon, Perintah Petara deka ngerusak semua perintah mensia ke jai sereta makai suap.

  • Masmur 37:10

    Orang ke majak ngereja utai ti jai deka dipunaska.

  • Pemandang 22:1-3

    Lebuh Perintah Petara merintah dunya, orang enda agi sakit tauka mati, lalu semua mensia deka ngemuliaka nama Petara.