Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

6. Kini Penunga Orang Ke Udah Mati?

6. Kini Penunga Orang Ke Udah Mati?

PEMENDAR 1 PENGUDAH ORANG MATI, IYA ENDA IDUP AGI

“Orang ke mati nadai nemu utai.”—Pengajar 9:5

Nama nyadi pengudah kitai mati?

  • Masmur 146:3, 4; Pengajar 9:6, 10

    Pengudah kitai mati, kitai enda ulih meda, ninga, tauka berunding.

  • John 11:11-14

    Jesus nyemaka pemati enggau tinduk.

PEMENDAR 2 JEHOVAH ENGGAI MENSIA MATI

“Nuan enda tau makai buah ari kayu penemu ti tau ngasuh nuan nemu semua utai, laban lebuh nuan makai buah nya, nuan deka mati.”—Pemungkal 2:17

Nama kebuah kitai mati?

  • Pemungkal 3:1-6

    Sitan bebula pasal utai ti deka nyadi ba Hawa enti Hawa enda ngasika pesan Jehovah. Pengudah Adam seduai Hawa enda ngasika Jehovah, seduai iya bedosa, lalu ngujungka seduai iya mati.

  • Pemungkal 3:19

    Pengudah Adam mati, iya enda agi idup.

  • Rome 5:12

    Dosa nya baka sebengkah penyakit raya ke diulih kitai ari apai indai kitai ti keterubah. Semua kitai bedosa kenyau ari ada, nya kebuah kitai mati.

  • 1 Korint 15:26

    Bup Kudus ngumbai pemati nya munsuh.

PEMENDAR 3 AJAR TI BENDAR PASAL PEMATI NGELEPASKA KITAI

“Enti orang mati, kati iya ulih angkat idup baru? Tang aku deka nganti . . . maya penusah tu abis.”—Jop 14:14

Baka ni nemu ajar ti bendar pasal pemati ngelepaska kitai ari penemu ti salah?

  • 1 John 4:8

    Ajar pasal api neraka ngenyaika nama Jehovah. Jehovah enda ngemendarka orang merinsa baka nya.

  • Pemandang 4:11

    Mayuh orang takutka orang ke udah mati, nya alai sida takut lalu nyembah orang ke udah mati, ukai nyembah Jehovah. Jehovah nya Petara ti bendar, lalu kitai patut nyembah Iya aja.