Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

5. Tebus—Pemeri Petara Ti Pemadu Berega

5. Tebus—Pemeri Petara Ti Pemadu Berega

PEMENDAR 1 SEMUA KITAI BEGUNAKA TEBUS

‘Anak Mensia ke datai . . . nyerahka nyawa diri kena nebus orang mayuh.’ —Matthew 20:28

Nama kebuah kitai begunaka tebus?

  • Pemungkal 3:17-19

    Lebuh Adam enda ngasika Jehovah, iya lenyau kaul ti spesial enggau Jehovah, pengidup ti sempurna, sereta Paradais ke alai iya diau.

  • Rome 5:12

    Ketegal utai ti dikereja Adam, kitai bulih dosa enggau pemati.

  • Epesus 1:7

    Tebus nya chara ti dikena Jehovah ngelepaska mensia ari dosa enggau pemati.

PEMENDAR 2 JEHOVAH NYEDIAKA TEBUS

‘Petara udah dipandangka ngagai kitai: Iya udah ngirumka Anak Tunggal Iya ngagai dunya, ngambika kitai tau idup ulih iya.’—1 John 4:9

Baka ni Jehovah nyediaka tebus?

  • Masmur 49:7, 8

    Nadai seiku ari kitai ulih nebus pengidup sempurna ti dilenyauka Adam.

  • Luke 1:35

    Jehovah ngirumka Anak ti dikesayauka Iya ke dunya ngambika ada nyadi mensia ti sempurna.

  • Rome 3:23, 24; Hebrew 9:24

    Pengudah Jesus diangkatka ari mati, iya pulai ke serega, endur alai iya nyerahka rega nyawa mensia iya ti sempurna ngagai Jehovah nyadika tebus.

PEMENDAR 3 TEBUS MERI KITAI PENGADANG TI BENDAR

“Iya deka ngendas semua ai mata ari mata sida, lalu pemati nadai agi.” —Pemandang 21:4

Baka ni kitai tau bulih penguntung ari tebus?

  • 1 John 1:8, 9

    Dosa kitai ulih diampun.

  • Hebrew 9:13, 14

    Kitai deka bisi ati ti beresi di mua Petara.

  • Rome 6:23

    Kitai bisi pengadang pengidup ti meruan belama iya.

  • Galatia 2:20

    Tebus nunjukka Jehovah eng- gau Jesus amat sayauka kitai.

PEMENDAR 4 KITAI PATUT BETERIMA KASIH KE TEBUS

‘Petara . . . meri Anak Tunggal Iya, ngambika genap iku orang ke arapka iya . . . bulih pengidup ti meruan belama iya.’—John 3:16

Baka ni kitai ulih nunjukka diri beterima kasih ke tebus ti diberi Petara?

  • John 17:3

    Ngelala Jehovah enggau Jesus, lalu neladan seduai iya.

  • Luke 22:19

    Datai Ngingatka Pemati Jesus ninting taun.

  • John 3:36; James 2:26

    Semina madahka diri pechayaka Jesus, enda chukup. Kereja utai ti diasuh Jesus.