Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

18. Patut Aku Nyerahka Pengidup Diri Ngagai Petara Lalu Dibaptisa?

18. Patut Aku Nyerahka Pengidup Diri Ngagai Petara Lalu Dibaptisa?

PEMENDAR 1 ULIH AKU DIBAPTISA?

“Peda nuan, ditu bisi ai. Nama utai ti tau nagang aku dibaptisa?”—Kereja Rasul 8:36

Nama kebuah sereta baka ni nuan patut dibaptisa?

Baptisa nunjukka nuan udah ninggalka chara pengidup ti lama, lalu bisi pengidup ti baru iya nya ngereja peneka Petara..

  • Matthew 28:19, 20

    Nuan patut dibaptisa ngambika ulih gawa ke Jehovah.

  • Masmur 40:8

    Baptisa nunjukka ngagai orang bukai, nuan deka gawa ke Petara.

  • Matthew 3:16

    Nuan enda tau enda diselam abis dalam ai, sama baka Jesus.

PEMENDAR 2 JEHOVAH ENDA KALA NGARAPKA UTAI TI LEBIH ARI NUAN

‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’—1 John 5:3

Nama kebuah nuan enda patut takut nyerahka diri ngagai Jehovah?

  • Masmur 103:14; Isaiah 41:10

    Nuan tau enda ibuh nyadi orang ti sempurna enti deka nyerahka diri empu ngagai Jehovah. Iya deka nulung nuan ngereja utai ti ngena.

  • Kolosi 1:10

    Pengerindu ngagai Jehovah deka nulung nuan mutarka asai ati ti nangi enggai ngelebuka Iya.

PEMENDAR 3 CHARA NGAMBIKA ULIH DIBAPTISA

‘Naka meh pengerindu ati aku ngereja peneka Nuan, O Petara aku! Aku nyimpan ajar Nuan dalam ati aku.’—Masmur 40:8

Nama patut digaga nuan kena nyerahka diri empu ngagai Jehovah?

  • John 17:3

    BELAJARKA BUP KUDUS

    Ngelala Jehovah enggau Jesus Kristus. Mayuh agi utai ti dipelajarka nuan pasal seduai iya, dalam agi pengerindu nuan ke seduai iya.

  • Hebrew 11:6

    NGEMANSANGKA PENGARAP NUAN

    Enggau pengabis ati arapka semaya Petara sereta genselan Jesus ulih nyelamatka kitai ari dosa enggau pemati.

  • Kereja Rasul 3:19

    NESAL ATI

    Reti nya, asai ati ti balat nesal ke semua penyalah ti udah digaga nuan.

    PULAI BARU

    Reti nya, badu ngereja ulah ti salah, lalu ngereja utai ti ngena.

  • 1 Peter 4:2

    NYERAHKA PENGIDUP DIRI

    Nuan nyerahka pengidup diri ngagai Jehovah lebuh nuan besemaya dalam sampi deka nyembah Iya sereta ngereja utai ti dikedekaka Iya nyadi utai ti pemadu beguna ba pengidup nuan.