Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

15. Baka Ni Nuan Ulih Ngelala Pengarap Ti Bendar?

15. Baka Ni Nuan Ulih Ngelala Pengarap Ti Bendar?

PEMENDAR 1 CHARA NGELALA PENGARAP TI BENDAR

“Pintu ti sempit, enggau jalai ti mar, nuju ngagai pengidup, lalu semina mimit aja orang tetemuka iya.”—Matthew 7:14

Baka ni kitai nemu ukai semua pengarap diterima Petara?

  • Matthew 7:21-23

    Ukai semua pengarap diterima Petara. Ukai semua pengarap ngereja peneka Petara.

  • Matthew 7:13, 14

    Pengarap ti bendar nuju ngagai pengidup ti meruan belama iya. Pengarap pelesu nuju ngagai pengerusak.

  • Matthew 7:16, 17

    Nuan ulih ngelala pengarap ti bendar ari utai ti dikereja orang ke enggau pengarap nya. Nuan tau enda ibuh belajar pasal semua pengarap; semina belajarka utai ti dipadah Bup Kudus.

PEMENDAR 2 CHARA TI BETUL NYEMBAH PETARA

  • 1 Tesalonika 2:13; 2 Timoti 3:16, 17

    Semina pechaya sereta ngajar utai ke bisi dalam Bup Kudus.

  • Matthew 4:10; John 17:6

    Nyembah Jehovah sereta ngena nama Iya.

  • John 13:35

    Ngayanka pengerindu ti bendar ngagai pangan diri.

  • John 3:36; Kereja Rasul 4:12

    Ngasika Jesus. Petara ngena Jesus nyelamatka kitai.

  • John 18:36; Kereja Rasul 5:29

    Enda enggau politik.

  • Matthew 24:14; 6:10

    Madah ngagai orang bukai, semina Perintah Petara aja ke ulih mutarka penusah kitai.

PEMENDAR 3 NUAN PATUT NGEREJA UTAI TI DIPECHAYA NUAN

Nama patut digaga enti nuan deka Petara nerima pengarap nuan?

  • James 2:19

    Semina pechayaka Petara bisi, enda chukup. Nuan patut ngereja utai ti dipadah Iya ba Bup Kudus.

  • Isaiah 52:11; Pemandang 17:5

    Pengarap pelesu tauka “Babilon ti Besai,” ngajar orang nyembah Petara ngena chara ti enda diterima Iya. Pengarap pelesu ngajar pasal Triniti, semengat ke enda nemu mati, sereta api neraka.

  • Pemandang 18:4, 8

    Enda lama agi, Jehovah deka ngerusak semua pengarap pelesu. Nuan patut nulak sebarang utai ke bisi kaul enggau pengarap pelesu.

  • Mark 10:28-30

    Nuan engka disakal, tang Jehovah enda ninggalka nuan.