Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

14. Kita Sebilik Ulih Lantang

14. Kita Sebilik Ulih Lantang

PEMENDAR 1 JEHOVAH NGEPUNKA RUANG BILIK

“Nya meh kebuah aku besugang di mua Apai, ke meri nama ngagai semua ruang bilik ti di serega enggau di dunya.”—Epesus 3:14, 15

Baka ni kita sebilik ulih lantang?

  • Pemungkal 1:26-28

    Jehovah nempa ruang bilik ti keterubah.

  • Epesus 5:1, 2

    Resia kena bulih ruang bilik ti lantang, iya nya neladan Jehovah enggau Jesus.

PEMENDAR 2 BAKA NI NYADI LAKI TAUKA BINI TI MENYANA

“Genap iku kita patut rinduka bini diri, . . . lalu bini patut masa laki.”—Epesus 5:33

Baka ni laki enggau bini patut ngintu pangan diri?

  • Epesus 5:22-29

    Laki betanggungjawapka ruang bilik iya. Iya patut rinduka bini iya, lalu bini patut nyukung pemutus ke digaga iya.

  • Kolosi 3:19; 1 Peter 3:4

    Seduai iya patut siru sereta berundingka pangan diri.

  • 1 Peter 3:1, 2, 7

    Laki enggau bini patut masa pangan diri.

  • 1 Timoti 5:8; Titus 2:4, 5

    Laki patut melanja ruang bilik iya. Bini patut ngintu ruang bilik iya.

PEMENDAR 3 BAKA NI NYADI APAI TAUKA INDAI TI MANAH

‘Anang ngereja utai ti tau ngemediska ati anak kita, tang iring sida nyadi orang ke besai tuai dalam disiplin enggau ajar Jehovah.’—Epesus 6:4

Nama tanggung pengawa apai indai?

  • Ulang Adat 6:4-9; Jaku Dalam 22:6

    Kita patut nyediaka awak ngajar anak kita pasal Jehovah. Kenyau ari sida agi mit, enggau sabar nulung sida nyadi pangan Jehovah.

  • 1 Peter 5:8

    Ajar anak kita chara nyeliahka diri ari dikachau ngena chara seksual sereta penusah ti bukai.

  • Hebrew 12:9-11

    Kita patut disiplin anak kita, tang ukai enggau ati ti pedis tauka kasar.

PEMENDAR 4 NAMA DIKEDEKAKA PETARA ARI BALA ANAK

“Kita ke anak, ngasika apai indai kita.”—Epesus 6:1

Kita ke anak, nama kebuah kita patut ngasika apai indai?

  • Jaku Dalam 23:22-25; Kolosi 3:20

    Ulah kita ke ngasi deka ngelantangka ati Jehovah enggau ati apai indai kita.

  • 1 Korint 15:33

    Giga bala pangan ke rinduka Jehovah. Lalu tu deka ngenyenangka kita ngereja utai ti ngena.