Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

13. Bebasaka Nyawa Ti Diberi Petara

13. Bebasaka Nyawa Ti Diberi Petara

PEMENDAR 1 BEBASAKA NYAWA TI DIBERI PETARA

“Nuan endang pun pengidup.” —Masmur 36:9

Baka ni kitai nunjukka diri bebasaka nyawa?

  • Kereja Rasul 17:28; Pemandang 4:11

    Nyawa diberi Jehovah lalu kitai patut bebasaka nyawa.

  • Pemansut 21:22, 23; Ulang Adat 5:17

    Munuh orang sereta bebuai anak nya salah.

  • 1 John 3:11, 12, 15

    Begedika orang nya salah.

  • 2 Korint 7:1

    Nyeliahka tebiat ti enda tuchi, baka nginsap sereta salah nguna dadah.

  • Masmur 11:5

    Nyeliahka pemerindang sereta lumba ti kasar.

PEMENDAR 2 NYAWA ENGGAU DARAH

“Seput semua utai ti idup nya dalam darah sida.”—Adat Lewi 17:14

Nama runding Petara pasal nyawa enggau darah?

  • Pemungkal 4:10; Ulang Adat 12:23

    Darah ngambarka nyawa.

  • Pemungkal 9:3, 4

    Kitai tau makai dagin tang enda tau makai darah.

  • Kereja Rasul 15:28, 29; 21:25

    Petara ngasuh nyeliah ari ngena darah nyengkaum darah ke dikena maya berubat.

  • Hebrew 11:6

    Kaul enggau Jehovah nya utai ti pemadu berega ba pengidup kitai.

PEMENDAR 3 CHARA NGENA DARAH TI DIKEMENDARKA JEHOVAH

“Darah Anak Iya, Jesus, nuchi kitai ari semua dosa.”—1 John 1:7

Nama peluang ke diulih kitai ari genselan Jesus?

  • Adat Lewi 17:11

    Maya jeman Bup Kudus, lebuh orang Israel bedosa, sida ulih minta Jehovah ngampun dosa sida enggau ngenjuk jelu nyadika pemeri, lalu minta imam nuang sekeda darah jelu nya ba atas alta.

  • Matthew 20:28; Hebrew 9:11-14

    Lebuh Jesus datai ke dunya, iya nganti adat ke meri jelu nyadika pemeri lebuh iya nyerahka nyawa, tauka darah iya, kena ngampun dosa kitai.

  • John 3:16

    Nyawa Jesus berega amat, nya alai Jehovah ulih meri semua mensia peluang idup belama iya bepelasarka genselan nyawa Jesus.