Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Lansa Ari Nama Ulih Dipelajarka Kitai Ari Bup Kudus?

11. Nama Kebuah Mayuh Pemerinsa?

11. Nama Kebuah Mayuh Pemerinsa?

PEMENDAR 1 UKAI JEHOVAH KE NGASUH PEMERINSA NYADI

‘Petara ti Pemadu Bekuasa enda ngereja penyai, lalu Iya enda kala meri atur ti enda lurus.’—Jop 34:12

Nama kebuah bisi mayuh pemerinsa ba dunya?

  • 1 John 5:19

    Pemerintah dunya, iya nya Antu Sitan.

  • Pengajar 8:9

    Mensia ngasuh mensia bukai merinsa.

  • Pengajar 9:12

    Kekadang orang merinsa laban sida ba endur enggau maya ti salah.

  • 1 Peter 5:7

    Jehovah balat rinduka orang. Iya enggai meda sida merinsa.

PEMENDAR 2 SITAN NGELABAN HAK JEHOVAH MERINTAH

‘Petara nemu . . . seduai deka nyadi sebaka enggau Petara, nemu ngelala bida entara utai ti manah enggau utai ti jai.’—Pemungkal 3:5

Nama kebuah Jehovah enda tekala nya ngemunaska Sitan?

  • Pemungkal 3:2-5

    Sitan nuduh Petara nya peme- rintah ti jai. Sitan deka mensia pechaya, sida bisi hak mutuska bagi utai ti betul tauka salah kediri empu. Petara meri awak ngambika semua orang nemu Sitan nya bula.

  • Jop 38:7

    Sitan madahka Jehovah nya Pemerintah ti jai di mua bejuta iku melikat.

PEMENDAR 3 PENGAWA SITAN KE NGELABAN ENDA MUJUR

“Nadai siku kami bisi kuasa ngatur pengidup diri.”—Jeremiah 10:23

Nama kebuah mensia lama amat merinsa?

  • Isaiah 55:9

    Mensia nguji mayuh bengkah perintah, tang sida enda ulih mujur merintah dunya enti nadai saup ari Petara.

  • 2 Peter 3:9, 10

    Jehovah sabar, lalu udah meri kitai awak kena ngelala Iya sereta milih Iya nyadika Pemerintah.

  • 1 John 3:8

    Jehovah deka ngena Jesus ngaduka semua pengerusak ke udah digaga Sitan.

PEMENDAR 4 NGENA PELUANG BIBAS MILIH NYEMBAH JEHOVAH

“Nuan enda tau enda bepenemu-dalam, anak, nya baru aku . . . ulih nyaut semua orang ke nganu [ngelaban] aku.”—Jaku Dalam 27:11

Nama kebuah Jehovah enda mejal kitai nyembah Iya?

  • Jaku Dalam 30:24-28

    Jelu bepanggai ba pengasai lebuh ngereja utai, tang Jehovah udah meri kitai peluang bibas milih. Kitai ulih milih sekalika deka nyembah Iya tauka enggai.

  • Matthew 22:37, 38

    Jehovah deka kitai nyembah Iya ketegal kitai rinduka Iya.