Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Dinga ka Petara lalu Idup Belama-lama

 PELAJAR 3

Baka Ni Pengidup Ba Kebun Eden?

Baka Ni Pengidup Ba Kebun Eden?

Jehovah meri Adam seduai Hawa mayuh utai ti manah. Pemungkal 1:28

Jehovah ngaga indu keterubah iya nya Hawa, lalu meri iya ngagai Adam nyadika bini iya. —Pemungkal 2:21, 22.

Jehovah ngaga seduai enggau runding sereta tubuh ti sempurna.

Seduai diau ba Kebun Eden. Endur nya chukup manah, bisi sungai, mayuh pun buah sereta mayuh jelu.

Jehovah bejaku sereta ngajar seduai. Enti seduai ngasika Ia, seduai ulih idup belama-lama ba dunya.

 Petara nagang sida makai ari siti pun kayu. Pemungkal 2:16, 17

Jehovah enda ngasuh Adam seduai Hawa makai buah ari siti pun kayu. Enti seduai makai buah nya, seduai diukum mati.

Seiku ari melikat ngelaban Petara. Melikat nya dikumbai Antu Sitan.

Sitan enggai meda Adam seduai Hawa ngasika Jehovah. Lalu iya ngena ular bejaku ngagai Hawa. Iya madahka Hawa enda mati enti makai buah nya, tang deka nyadi baka Petara. Tang Sitan bula. —Pemungkal 3:1-5..

Belajar Lebih Agi

BERITA MANAH ARI PETARA!

Nama Tuju Petara ka Dunya?

Bup Kudus bisi nerangka kebuah Petara nempa dunya tu, kemaya pemerinsa deka nadai agi, utai ke deka nyadi ba dunya enggau orang ke deka idup dia ila.