Adam seduai Hawa mati laban enda ngasika Petara. Pemungkal 3:6, 23

Hawa ngasika ular lalu makai buah nya. Udah nya, iya meri buah nya ngagai Adam ti bela enggau makai buah nya.

Pengawa seduai nya salah laban nya dosa. Petara muru seduai ari Kebun Eden.

Pengidup seduai enggau bala anak merinsa. Sida nyadi tuai lalu mati. Orang mati nadai ngagai dunya roh tang lenyap enda nemu utai agi.

 Baka amau tanah, orang mati nadai seput agi. Pemungkal 3:19

Kitai mati laban kitai peturun ari Adam seduai Hawa. Orang mati enda ulih meda, ninga sereta ngereja utai. —Pengajar 9:5, 10.

Pemati ukai tuju Jehovah ke mensia. Enda lama da agi, Iya deka ngidupka orang mati. Enti sida ngasika Iya, sida deka idup belama-lama.