Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Berita Manah Ari Petara!

 PELAJAR 15

Nama Kebuah Nuan Patut Terus Belajarka Bup Kudus?

Nama Kebuah Nuan Patut Terus Belajarka Bup Kudus?

1. Nama penguntung nuan enti terus belajarka Bup Kudus?

Tentu ajar Bup Kudus ba bup mit tu udah ngeringka pengerindu nuan ngagai Jehovah. Terus meh ngeringka pengerindu nuan ngagai Petara. (1 Peter 2:2) Pengidup meruan nuan bepanggai ba nuan neruska diri besemak ngagai Petara ari belajarka Jaku Iya.Bacha John 17:3; Jude 21.

Udah penemu nuan pasal Petara makin mayuh, pengarap nuan mega makin teguh. Pengarap tu deka meransang nuan ngereja utai ti ngenyamaika ati Petara. (Hebrew 11:1, 6) Pengarap tu mega deka meransang nuan ngubah chara idup nuan ti mai penguntung ba pengidup nuan.Bacha Kereja Rasul 3:19.

2. Baka ni nuan ulih ngena penemu pasal Petara nulung orang bukai?

Nuan ulih nyadi raban penyembah ti dikerinduka Jehovah

Nuan tentu deka madah utai ti ditemu nuan ngagai orang bukai laban kitai semua senang ati nusui berita ti manah. Lebuh nuan belajarka Bup Kudus, nuan mega deka belajar chara nerangka pengarap nuan ba Jehovah enggau berita manah nya ngena Bup Kudus.Bacha Rome 10:13-15.

Mayuh orang berengkah nusui berita manah tu ngagai pangan tauka kaban sida. Tang, kitai enda tau enda nyaga ati orang. Ari kitai madahka pengarap sida enda betul, uji padahka sida pasal utai ti dijanji Petara. Orang mega selalu merati ulah manah kitai lebih ari utai ti dipadah kitai.Bacha 2 Timoti 2:24, 25.

3. Baka ni nuan ulih diempu Petara?

Belajar pasal Jaku Petara deka nulung nuan nitihka teladan Petara enggau manah agi. Udah nya, nuan deka ngaga pemutus ti pengabis beguna tauka besai ba pengidup nuan. Nuan ulih milih nyadi seiku raban penyembah Jehovah.Bacha 2 Korint 6:18.

 4. Baka ni nuan ulih ngemansangka penemu nuan?

Nuan ulih belajar chara nitih jaku ajar Petara enti nuan neruska pelajar nuan ba Bup Kudus. (Hebrew 5:13, 14) Nuan ulih minta seiku bala Saksi-saksi Jehovah ngajar nuan ngena bup Nama Utai ti Bendar Diajar Bup Kudus? Makin mayuh utai dipelajar nuan ari Bup Kudus, pengidup nuan mega makin mujur.Bacha Masmur 1:1-3; 73:27, 28.

Semua berita manah tu datai ari Jehovah, iya nya Petara ti senang ati. Nuan ulih nyemakka diri ngagai Iya enti nuan begulai enggau bala nembiak Iya. (Hebrew 10:24, 25) Enti nuan bebendar neruska pengawa ti ngenyamaika ati Jehovah, nuan deka bulih pengidup ti bendar, iya nya pengidup ti meruan. Nya alai, nyemakka diri ngagai Petara siti pengawa ti pengabis manah ti tau dikereja nuan.Bacha 1 Timoti 1:11; 6:19.

Enti nuan ka penerang lebih agi, peda pelajar 18 Nama Utai ti Bendar Diajar Bup Kudus?