Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Berita Manah Ari Petara!

 PELAJAR 10

Baka Ni Nuan Ulih Ngelala Pengarap ti Bendar?

Baka Ni Nuan Ulih Ngelala Pengarap ti Bendar?

1. Amat semina bisi siti aja pengarap ti bendar?

“Bejaga ari nabi ti pelesu.”MATTHEW 7:15.

Jesus ngajar nembiak iya semina bisi siti pengarap ti bendar. Tu baka jalai ti nuju pengidup ti meruan. Jesus madah: “Semina mimit aja orang” ti tetemuka jalai tu. (Matthew 7: 14) Petara semina nerima pengarap ti nitihka Jaku Iya. Semua orang ke megai pengarap ti bendar tu sejalai ba pengarap sida.Bacha John 4:23, 24; 14:6; Epesus 4:4, 5.

2. Nama utai dipadah Jesus pasal Kristian pelesu?

‘Sida ngumbai diri nemu Petara, tang utai ti dikereja sida besangkalka nya.’TITUS 1:16.

Jesus madahka nabi ti pelesu deka ngerusakka ajar Kristian ti bendar. Ba luar, sida tu baka orang Kristian ti bendar. Orang ari gerija ngaku diri sida orang Kristian. Tang nuan ulih ngelala sapa sida ti bendar. Baka ni? Semina pengarap ti bendar bisi ngembuan orang Kristian ti bisi pendiau enggau ulah ti manah.Bacha Matthew 7:13-23.

3. Baka ni nuan ulih ngelala sida ti megai pengarap ti bendar?

Uji peda lima iti tanda tu:

  • Sida ti megai pengarap ti bendar arapka Bup Kudus nya Jaku Petara. Sida naka ulih nitihka atur tauka ajar Bup Kudus. Nya alai pengarap ti bendar enda sama enggau pengarap pelesu ti ngajar runding mensia (Matthew 15:7-9) Sida ke megai pengarap ti bendar tu enda ngajar siti utai tang ngereja utai bukai.Bacha John 17:17; 2 Timoti 3:16, 17.

  •   Nembiak Jesus ti bendar bebasaka nama Petara, Jehovah. Jesus bebasaka nama Petara. Iya ngasuh nama Petara ditemu semua orang. Iya nulung orang ngelala Petara lalu ngajar sida besampi nguduska nama Petara. (Matthew 6:9) Ba endur nuan, pengarap ni bisi madahka orang bukai pasal nama Petara?Bacha John 17:26; Rome 10:13, 14.

  • Kristian ti bendar nusui pasal Perintah Petara. Petara nganjung Jesus ka dunya awakka nusui berita manah pasal Perintah Petara. Pengarap mensia semina bepanggai ba Perintah Petara tu. Jesus bejaku pasal berita tu sampai hari iya mati. (Luke 4:43; 8:1; 23:42, 43) Jesus madahka nembiak iya mega deka nusui berita tu. Enti bisi orang datai ngagai nuan lalu nusui berita pasal Perintah Petara, ba pikir nuan ari pengarap ni sida tu?Bacha Matthew 24:14.

  • Nembiak Jesus ukai enggi dunya ti jai tu. Nuan ulih ngelala sida laban sida enda masuk champur dalam politik tauka pengawa muguk. (John 17:16; 18:36) Sida mega enda nunda pengawa dunya ti tau ngemediska diri.Bacha James 4:4.

  • Kristian ti bendar bisi pengerindu ngagai pangan diri. Ari Jaku Petara, sida tu belajar bebasaka bansa bukai. Taja pen pengarap ti pelesu nyukung pengawa perang, sida ti megai pengarap ti bendar enda nitihka pengawa tu. (Mikah 4:1-3) Tang, Kristian ti bendar ngena awak enggau pemisi sida kena nulung sereta meri peransang ngagai orang bukai.Bacha John 13:34, 35; 1 John 4:20.

4. Ulih nuan ngelala pengarap ti bendar?

Ni pengarap ti ngajar semina ari Jaku Petara, bebasaka nama Petara, lalu madah semina Perintah Petara ulih ngemutarka penusah mensia? Sida ni ti bisi pengerindu lalu enda enggau pengawa perang? Nama pikir nuan?Bacha 1 John 3:10-12.

Enti nuan ka penerang lebih agi, peda pelajar 15 bup Nama Utai ti Bendar Diajar Bup Kudus?