Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Berita Manah Ari Petara!

 PELAJAR 5

Nama Tuju Petara ka Dunya?

Nama Tuju Petara ka Dunya?

1. Nama kebuah Petara ngaga dunya?

Jehovah meri dunya tu ngagai kitai mensia. Dunya tu alai kitai diau. Nya alai, tuju Petara nempa mensia keterubah, Adam seduai Hawa, ukai kena ngemenuhka serega. Petara udah nempa bala malikat diau ba serega. (Jop 38:4, 7) Ke bendar, Petara ngengkah mensia keterubah nya ba kebun ti manah ke dikumbai Kebun Eden. (Pemungkal 2:15-17) Jehovah meri iya enggau peturun iya peluang idup meruan ba dunya.Bacha Masmur 37:29; 115:16.

Terubah suba, semina Kebun Eden aja kebun ti manah. Mensia keterubah diasuh Petara ngemenuhka dunya enggau peturun seduai iya. Sida patut nguasa serata dunya lalu nyadika iya kebun ti manah. (Pemungkal 1:28) Dunya sigi enda dirusak. Iya deka mengkang nyadi endur mensia diau belama-lama.Bacha Masmur 104:5.

2. Nama kebuah dunya diatu ukai kebun ti manah?

Adam seduai Hawa enda ngasika Petara, nya alai Jehovah muru seduai ari Kebun Eden. Kebun ti manah tu udah nadai agi, lalu nadai mensia kala mujur ngemulaika kebun baka tu. Bup Kudus madah: “Petara nyerahka dunya tu ngagai orang ke jai.”Jop 9:24.Bacha Pemungkal 3:23, 24.

Amat Jehovah enda ulih ngereja tuju asal Iya ka mensia? Enda amat! Iya Petara ti Pemadu Bekuasa. Iya nadai kala enda mujur ngereja peneka Iya. (Isaiah 45:18) Iya deka ngaduka pengidup mensia nitihka tuju asal Iya.Bacha Masmur 37:11, 34.

3. Baka ni kebun ti manah tu deka diadu baru?

Kebun ti manah nya deka diadu baru maya Jesus merintah nyadi Raja. Lebuh perang Armagedon, Jesus deka ngulu  bala malikat ngemunaska semua sida ti nyakal Petara. Udah nya, Jesus deka ngurung Sitan 1,000 taun. Semina nembiak Petara ulih selamat laban Jesus deka ngiring sereta nyaga sida. Sida tu deka mengkang idup belama-lama ba dunya ti manah.Bacha Pemandang 20:1-3; 21:3, 4.

4. Kemaya pemerinsa deka nadai agi?

Kemaya Petara deka muai penyai ba dunya? Jesus bisi meri “tanda” ti nunjukka pengujung nya nyau makin semak. Utai jai ti nusahka pengidup mensia diatu nunjukka kitai diatu ba “pengujung dunya.”Bacha Matthew 24:3, 7-14, 21, 22.

Jesus deka merintah dunya ari serega 1,000 taun. Tu maya iya deka muai semua pemerinsa. (Isaiah 9:6, 7; 11:9) Kelimpah ari nyadi Raja, Jesus mega nyadi Imam Besai ti deka madam dosa sida ke rinduka Petara. Nya alai, ngena Jesus, Petara deka muai penyakit enggau pemati.Bacha Isaiah 25:8; 33:24.

5. Sapa deka diau ba dunya ti manah tu ila?

Ba endur begempuru, nuan ulih betemu enggau orang ti rinduka Petara enggau deka belajar chara ngenyamaika ati Petara

Orang ti ngasika Petara deka diau ba dunya ti manah. (1 John 2: 17) Jesus nganjung bala nembiak iya ngiga orang ti baruh ati lalu ngajar sida awakka ulih diterima Petara. Diatu, Jehovah ngajar bejuta-juta orang chara idup ba dunya ti manah jemah ila. (Sepaniah 2:3) Ba endur Saksi-saksi Jehovah begempuru, orang diajar nyadi laki enggau apai ti manah, lalu indu nyadi bini enggau indai ti manah. Bala anak enggau apai indai sama begulai ba pengawa sembiang lalu belajar chara bulih pemaik ari berita manah.Bacha Mikah 4:1-4.

Enti nuan ka penerang lebih agi, peda pelajar 3 bup Nama Utai ti Bendar Diajar Bup Kudus?

Belajar Lebih Agi

Nama Utai ti Bendar Diajar Bup Kudus?

Nama Tuju Petara Ngaga Dunya Tu?

Kati tuju Petara ngaga dunya paradais deka dikeamatka? Enti amat, kemaya?